శ్రీను వైట్లతో మంచు విష్ణు తదుపరి సినిమా

గత కొంతకాలంగా మంచు విష్ణుకి సరైన హిట్ లేదు. దాంతో సక్సెస్ కోసం ఎంతగానో ఎదురుచూస్తున్నారు. ఈ నేపథ్యంలో ఆయన తనకి ఎంతగానో అచ్చొచ్చిన యాక్షన్ కామెడీని నమ్ముకున్నారు. అదికూడా ఆయనకి కలిసి రాకపోవడంతో మంచికథ వేచి చూస్తున్నారు. ఈ క్రమంలో దర్శకుడు శ్రీను వైట్ల చెప్పిన కథ నచ్చడంతో ఆయన ఓకే చెప్పారు. దీంతో ఈ చిత్రంతో త్వరలో సెట్స్ పైకి వెళ్లనున్నట్టుగా తెలుస్తోంది. ఈ మేరకు తన తదుపరి సినిమా శ్రీను వైట్లతో ఉండనుందనే విషయాన్ని విష్ణు స్వయంగా వెల్లడించారు. 

ఇటీవల తిరుమలలో శ్రీవేంకటేశ్వర స్వామిని దర్శించుకున్న ఆయన, తదనంతరం మీడియాతో మాట్లాడుతూ ఈ విషయం వెల్లడించాడు. 12 ఏళ్ల తర్వాత తాను శ్రీను వైట్లతో సినిమా చేయనున్నానని తెలిపాడు. 12 ఏళ్ల క్రితం ఈ ఇద్దరి కాంబినేషన్‌లో వచ్చిన 'ఢీ' .. భారీ విజయాన్ని అందుకున్న విషయం అందరికీ తెలిసిందే. అయితే కొంతకాలంగా శ్రీను వైట్ల కూడా సక్సెస్ కోసం ఎంతగానో ఎదురుచూస్తున్నారు. మరి ఈ ఇద్దరూ కలిసి రానున్న సినిమాతో మళ్లీ హిట్ బాట పడతారేమో చూడాలి మరి.