తెలంగాణ రాష్ట్రంలో కరోనా వైరస్ తన విశ్వరూపాన్నిచూపిస్తోంది. ముఖ్యంగా, హైదరాబాద్ నగరంలో ఈ వైరస్ వ్యాప్తి మరింత ఎక్కువగా ఉంది. ఫలతింగా ప్రతి గంట వ్యవధిలో కొత్తగా 49 మంది వైరస్ బారినపడుతున్నారు. అంటే రోజులో సగటున 1169 కేసులు ఒక్క హైదరాబాద్ పరిధిలోనే వస్తున్నాయి.
వాస్తవానికి ఈ నెల ప్రారంభంలో ఉన్న తీవ్రత ఇప్పుడు కనిపించకపోయినా, కొత్త కేసుల సంఖ్య అధికంగానే ఉందని ఆరోగ్య నిపుణులు వ్యాఖ్యానించారు. ఈ నెల 3 నుంచి 8 మధ్య రోజుకు 1,270 నుంచి 1,660 వరకూ కేసులు రాగా, ఆపై మాత్రం రోజుకు 1,000 కేసుల లోపే వస్తున్నాయి.
తొలివారంలో రికార్డు స్థాయిలో నమోదైన కేసుల వేగం, ఇప్పుడు దాదాపు సగానికి తగ్గింది. మొత్తం మీద గత 13 రోజుల్లో ఏకంగా 14,033 కేసులు వచ్చాయి. దీంతో అధికారులు మరింత అప్రమత్తమై, కంటెయిన్ మెంట్ జోన్లలో ఆంక్షలను పెంచారు.
మరోవైపు, ఆ రాష్ట్ర వైద్యఆరోగ్య శాఖ విడుదల చేసిన గణాంకాల మేరకు ఆదివారం తెలంగాణ రాష్ట్రంలో 1269 కేసులు నమోదయ్యాయి. ఇందులో ఎనిమిది మంది చనిపోయారు.
ముఖ్యంగా హైదరాబాద్ నగరంలో 800 కేసులు నమోదుకాదా. రంగారెడ్డిలో 132, మేడ్చల్‌లో 94, సంగారెడ్డిలో 36, కరీంనగర్‌లో 23, పాలమూరులో 17, వరంగల్ అర్బన్‌లో 12 చొప్పున కేసులు నమోదయ్యాయి. ప్రస్తుతం తెలంగాణ రాష్ట్రంలో 11883 యాక్టివ్ కేసులు ఉన్నాయి.