తాగి బండిని నడిపాడు.. కారు డ్రైవింగ్ చేస్తూ 8 బైకులను ఢీకొట్టాడు... (video)

Accident

హైదరాబాద్‌, జనగాంలో పార్క్ చేసిన 8 బైకులను 'తాగిన' మైకంలో బండిన కారు డ్రైవర్ ఢీకొట్టిన సంఘటనకు సంబంధించిన వీడియో నెట్టింట వైరల్ అవుతోంది. 

సూర్యారెడ్డి అనే స్థానిక జర్నలిస్ట్ ఈ వీడియోను ఎక్స్‌లో పోస్ట్ చేశాడు. జనగాం లోని సూర్యాపేట రోడ్డులో కారు డ్రైవర్ నియంత్రణ కోల్పోయి ఎనిమిది వాహనాలను ఢీకొట్టడంతో ప్రమాదం జరిగింది. ఈ ప్రమాదంలో ఒక మహిళకు తీవ్ర గాయాలు కాగా, ఇద్దరు వ్యక్తులకు స్వల్ప గాయాలు అయ్యాయి. 

ఈ ఘటన సమీపంలోని సీసీటీవీ కెమెరాలో రికార్డైంది. పట్టపగలు జరిగిన ఈ ప్రమాద దృశ్యాలు ఆన్‌లైన్‌లో వైరల్ అయ్యాయి. కారులో నలుగురు మధ్య వయస్కులైన ప్రయాణికులు ఉన్నారు. ఈ ఘటనపై కేసు నమోదు చేసుకున్న పోలీసులు మద్యం మత్తులో ఉన్న డ్రైవర్‌ను అదుపులోకి తీసుకున్నారు.