శ్రీహ‌రి కొడుకు మేఘాంశ్ సినిమా ప‌రిస్థితి ఏంటి..? శ్రీహరి బ్రతికుంటే ఇలా ఉండేదా..?

రియ‌ల్ స్టార్ శ్రీహ‌రి త‌న‌యుడు మేఘాంశ్ హీరోగా న‌టించిన తొలి చిత్రం రాజ్ దూత్ ఇటీవ‌ల ప్రేక్ష‌కుల ముందుకు వ‌చ్చింది. ఈ సినిమా గురించి అస‌లు టాకే లేదు. ఇంకా చెప్పాలంటే... ఈ సినిమా రిలీజైంద‌నే విష‌య‌మే చాలామందికి తెలియ‌దు. దీనికి కార‌ణం... స‌రిగా ప్ర‌మోష‌న్స్ చేయ‌క‌పోవ‌డ‌మే. ఇండ‌స్ట్రీ జ‌నాలు కూడా ఈ సినిమాకి స‌రైన స‌హ‌కారం అందించ‌లేద‌ని వార్త‌లు వ‌స్తున్నాయి. శ్రీహ‌రి స‌తీమ‌ణి శాంతి కొంతమంది ప్ర‌ముఖుల‌ను సంప్ర‌దించిన‌ప్ప‌టికీ వారి నుంచి స‌రైన స‌మాధానం రాలేద‌ట‌.

దీంతో కొంతమందితో బైట్స్‌తో తీసుకుని వాటిని ప్ర‌మోష‌న్స్‌కి వాడారు. అయితే... శ్రీహ‌రి బ‌తికుంటే ఇలా జ‌రిగి ఉండేదా..? అనేది ఇప్పుడు హాట్ టాపిక్ అయ్యింది. ఇండ‌స్ట్రీ మొత్తం క‌దిలి వ‌చ్చేది. ఆయ‌న లేక‌పోవ‌డంతో ఎవ‌రు ప‌ట్టించుకోలేదు. 

రెండున్న‌ర కోట్ల‌తో ఈ సినిమాని తీసార‌ట‌. ఓపెనింగ్స్ కూడా స‌రిగా రాలేదు. దీంతో పెట్టుబ‌డి ఎంతవ‌ర‌కు రాబ‌డుతోంది అనేది క్లారిటీ లేదు. మేఘాంశ్ స‌క్స‌ెస్ సాధించాలంటే ప్రోప‌ర్‌గా పబ్లిసిటీ చేయాలి. వ‌య‌సుకు త‌గ్గ క‌థ ఎంచుకోవాలి. మ‌రి.. రెండో సినిమాకైనా స‌రైన రీతిలో ప్లాన్ చేసుకుని స‌క్స‌స్ సాధిస్తాడ‌ని ఆశిద్దాం.