సూప‌ర్ స్టార్ కృష్ణ‌కు బాలకృష్ణ‌, ప్ర‌భాస్‌, మ‌హేష్ శుభాకాంక్ష‌లు

Prabhas, krishna, krishnamraju

సూపర్ స్టార్ కృష్ణ ఈ రోజు మే 31న తన పుట్టినరోజు. వేడుక‌లు ఏమీ లేకుండా నిరాడంబ‌రంగానే ఇంటి ద‌గ్గ‌ర వున్నారు. ప్లానెట్‌-10 నాన‌క్‌రామ్‌గూడాలోని త‌న ఇంటిలో విజ‌య‌నిర్మ‌ల విలువెత్తు పొటోకు ఒక‌సారి స్మ‌రించుకున్నారు. ఇక ఉద‌య‌మే కృష్ణ‌కు శుభాకాంక్ష‌లు ఫోన్ల ద్వారా కొంద‌రు తెలియ‌జేస్తే, మ‌రికొంద‌రు ట్విట్ట‌ర్‌లో తెలియ‌జేశారు.

ప్ర‌భాస్‌, కృష్ణంరాజుతో క‌లిసి శుభాకాంక్ష‌లు తెలుపుతూ ఆరోగ్యంగా వుండాల‌ని కోరారు. అదేవిధంగా నంద‌మూరి బాల‌కృష్ణ‌కూడా కృష్ణ‌గారికి శుభాకాంక్ష‌లు తెలిపారు.  ఇక ర‌చ‌యిత ప‌రుచూరి గోపాల‌కృష్ణ‌, కృష్ణ‌గారు మనసున్నవాడు .ఆయన సాహసానికి మారుపేరు. ఆయన మాట తప్పని మనిషి .ఆయన అల్లూరి పాత్రలో ప్రేక్షకుల మేను పులకరింపజేసినవాడు .ఆయనే మన  సూపర్ సార్ కృష్ణ గారు .నేడు వారి పుట్టినరోజు. జన్మదిన శుభాకంక్షాలు మహానుభావులు నూరేళ్లు చల్లగా  వుండండి. అంటూ ట్వీట్ చేశారు.

Krishna, mahesh

ఈ సందర్భంగా మహేష్ బాబు తన తండ్రికి పుట్టినరోజు శుభాకాంక్షలు తెలుపుతూ ట్వీట్ చేశారు. “పుట్టినరోజు శుభాకాంక్షలు నాన్నా. నాకు ఎల్లప్పుడూ ఉత్తమ మార్గాన్ని చూపించినందుకు ధన్యవాదాలు. మీరు ఊహించనంత ఎక్కువగా మిమ్మల్ని ప్రేమిస్తున్నాను” అంటూ తండ్రితో పాటు కలిసి ఉన్న స్టిల్‌ను షేర్ చేసుకున్నారు.