ముని, కాంచన, కాంచన-2 తో హార్ర‌ర్ కామెడీ చిత్రాల్లో సౌత్ ఇండియాలోనే భారీ స‌క్స‌ెస్‌తో పాటు ఒక ట్రెండ్ సృష్టించిన రాఘ‌వ లారెన్స్ హీరోగా, స్వీయ ద‌ర్శ‌కత్వంలో ముని సిరీస్ నుంచి వ‌స్తున్న హార్ర‌ర్ కామెడీ చిత్రం కాంచన-3. రాఘ‌వ లారెన్స్ అందించిన హార్ర‌ర్ చిత్రాల‌న్నీ సౌత్ ఇండియాలో బ్లాక్‌బ‌స్ట‌ర్స్‌గా బాక్సాఫీస్‌ని షేక్ చేసిన‌వే. అన్నిటినీ మించి ఈ కాంచన-3 మాత్రం లారెన్స్‌కి స్పెష‌ల్ చిత్రంగా నిలవనుంది.
ఈ చిత్రాన్ని తెలుగులో ప్రముఖ నిర్మాత బి. మ‌ధు విడుదల చేస్తున్నారు. రాఘ‌వేంద్ర ప్రొడ‌క్ష‌న్స్ బ్యాన‌ర్లో రాఘ‌వ నిర్మాణంలో ఈ సినిమా నిర్మించారు. అన్ని కార్యక్రమాలు పూర్తిచేసి తెలుగు, తమిళ భాషల్లో ఏక కాలంలో ఏప్రిల్ 19న ప్రపంచవ్యాప్తంగా భారీగా విడుదల చేయనున్నారు. ప్రతీ చిత్రంలో లాఘవ లారెన్స్ ఎన్నో థ్రిల్స్ అందిస్తూ వస్తున్నారు . ఈసారి కూడా కాంచన 3 తో చాలా థ్రిల్స్ ఉండబోతున్నాయి . దాదాపు 1400 మంది డాన్సర్స్‌తో కోటి ముప్పై లక్షలు ఖర్చుపెట్టి ఓ పాటను చిత్రీకరించడం విశేషం.
దాదాపు 1400 మంది డాన్సర్స్‌తో మాస్టర్ అత్యద్భుతంగా సాంగ్‌ని షూట్ చేశారు. 400 మంది అఘోరా గెటప్స్‌తో… 1000 మంది డిఫ్రెంట్ లుక్‌తో 6 రోజుల పాటు సాంగ్ చిత్రీకరణ చేశారు. లారెన్స్‌కి కాంచన 3 చిత్రం తన కెరీర్ కే ప్రత్యేకమైంది. ఈ సినిమా కోసం చాలా కష్టపడ్డారు . కథ, కథనం, గ్రాఫిక్స్ ప్రేక్షకుల్ని అబ్బురపరిచేలా ఉంటాయి. గతంలో వచ్చిన చిత్రాల కంటే బలమైన కథ, కథనంతో రూపొందించారు. అలాగే మంచి సర్‌ప్రైజ్ ఎలిమెంట్స్‌తో థ్రిల్ చేయనున్నారు. ఇప్పటివరకు సిల్వర్ స్క్రీన్ మీద చూడని గొప్ప నటన ఈ నెల 19 న తెలుగు, తమిళ భాషల్లో చూస్తారు అని చిత్ర నిర్మాత మ‌ధు చెప్పారు.