తెలంగాణ ఎన్నికలు : 12 మంది అభ్యర్థులతో జాబితా రిలీజ్

తెలంగాణ అసెంబ్లీ ఎన్నికల కోసం భారతీయ జనతా పార్టీ 12 మంది అభ్యర్థుల పేర్లతో కూడిన జాబితాను మంగళవారం రిలీజ్ చేసింది. ఇది ఆ పార్టీ విడుదల చేసిన నాలుగో జాబితా. 52 మందితో తొలి జాబితాను విడుదల చేసిన బీజేపీ.. ఆ తర్వాత ఒకే ఒక్క అభ్యర్థితో రెండో జాబితాను విడుదల చేసి అందర్నీ ఆశ్చర్యపరిచింది. ఆ తర్వాత ప్రకటించిన మూడో జాబితాలో 35 మందికి చోటు కల్పించగా, ఇపుడు నాలుగా జాబితాలో 12 మంది అభ్యర్థుల పేర్లను వెల్లడించింది. మొత్తం బీజేపీ ఇప్పటి వరకు వంద మంది అభ్యర్థుల పేర్లను వెల్లడించింది.

ఈ నాలుగో జాబితాలో చెన్నూరు నుంచి దుర్గం అశోక్, ఎల్లారెడ్డి నుంచి సుభాష్ రెడ్డి, వేములవాడ నుంచి తుల ఉమ, హుస్నాబాద్ నుంచి శ్రీరామ్ చక్రవర్తి, సిద్ధిపేట నుంచి దుది శ్రీకాంత్ రెడ్డి, వికారాబాద్ నుంచి నవీన్ కుమార్, కొడంగల్ నుంచి బంటు రమేశ్ కుమార్, గద్వాల నుంచి బోయ శివ, మిర్యాలగూడ నుంచి సాదినేని శ్రీనివాస్, మునుగోడు నుంచి చలమల కృష్ణారెడ్డి, నకిరేకల్ నుంచి మొగులయ్య, ములుగు నుంచి అజ్మీర ప్రహ్లాద్ నాయక్‌లను బరిలోకి దించింది.

తెలంగాణ ఎన్నికలు : కాంగ్రెస్ మూడో జాబితా.. కామారెడ్డిలో రేవంత్ 

తెలంగాణ రాష్ట్ర అసెంబ్లీ ఎన్నికల కోసం కాంగ్రెస్ పార్టీ సోమవారం రాత్రి 16 మంది అభ్యర్థులతో మూడో జాబితాను వెల్లడించింది. ఇందులో టీపీసీ చీప్ రేవంత్ రెడ్డి కామారెడ్డి నుంచి బరిలోకి దిగనున్నారు. ఈ మేరకు అధికారికంగా ప్రకటించింది. 16 మంది అభ్యర్థుల పేర్లతో కూడిన జాబితాను ఆ పార్టీ రిలీజ్ చేసింది. 

ఈ జాబితాలో నిజామాబాద్ పట్టణ సీటును మాజీ మంత్రి షబ్బీర్ అలీకీ కేటాయించింది. ఇక చెన్నూరు నుంచి జి.వివేక వెంకటస్వామి పోటీ చేస్తున్నట్టు తెలిపింది. రెండు సీట్లలో అభ్యర్థులను మార్చుతూ పార్టీ నిర్ణయం తీసుకుంది. బోథ్ నియోజకవర్గంలో అశోక్ స్థానంలో ఆదె గజేందర్, వనపర్తిలో చెన్నారెడ్డి స్థానంలో మేఘా రెడ్డికి సీట్లు కేటాయిస్తూ మార్పులు చేసింది. మరోవైపు, పొత్తులో భాగంగా, కొత్తగూడెం సీటును సీపీఐకు కేటాయించింది. తాజా జాబితాతో మొత్తం 114 స్థానాల్లో కాంగ్రెస్ పార్టీ అభ్యర్థులను ఖరారు చేసింది. తుంగతుర్తి, సూర్యాపేట, మిర్యాలగూడ, చార్మినార్ స్థానాలకు మాత్రం అభ్యర్థులను ఖరారు చేయాల్సివుంది. 

కాంగ్రెస్ ప్రకటించిన మూడో జాబితాలోని అభ్యర్థుల పేర్లను పరిశీలిస్తే, 

మూడో విడత అభ్యర్థుల జాబితా ఇదే

1. చెన్నూరు - వివేక్ వెంకటస్వామి

2. కామారెడ్డి - రేవంత్ రెడ్డి

3. బాన్సువాడ - ఏనుగు రవీందర్

4. నిజామాబాద్ అర్బన్ - షబ్బీర్ అలీ

5. డోర్నకల్ - రామచంద్ర నాయక్

6. వైరా - రాందాస్

7. ఇల్లందు - కోరం కనకయ్య

8. సత్తుపల్లి - మట్టా రాగమయి

9. అశ్వారావుపేట - ఆదినారాయణ

10. వనపర్తి - మేఘారెడ్డి

11. బోథ్ - గజేందర్

12. జుక్కల్ లక్ష్మీ కాంతారావు

13. కరీంనగర్ - పరుమళ్ల శ్రీనివాస్

14. సిరిసిల్ల - మహేందర్ రెడ్డి

15. నారాయణ ఖేడ్ - సురేష్ షెట్కర్

16. పఠాన్ చెరు - నీలం మధు.