కర్నూలు లాడ్జీల్లో న్యూడ్ డ్యాన్సులు... అమ్మాయిలు..?

కర్నూలు జిల్లాలోని పలు లాడ్జీల్లో అశ్లీల (న్యూడ్) డ్యాన్సులకు వేదికగా మారుతున్నాయి. తాజాగా ఓ లాడ్జీలో అశ్లీల నృత్యాలు వేస్తున్నట్టు పోలీసులకు సమాచారం వచ్చింది.

కర్నూలు జిల్లాలోని పలు లాడ్జీల్లో అశ్లీల (న్యూడ్) డ్యాన్సులకు వేదికగా మారుతున్నాయి. తాజాగా ఓ లాడ్జీలో అశ్లీల నృత్యాలు వేస్తున్నట్టు పోలీసులకు సమాచారం వచ్చింది. దీంతో రంగంలోకి దిగిన పోలీసులు లాడ్జీలో ఆకస్మిక తనిఖీలు చేసి పలువురిని అదుపులోకి తీసుకున్నారు. అరెస్టైన వారిలో ముగ్గురు డ్యాన్సర్లు, నలుగురు ఈవెంట్ నిర్వాహకులు, ఎరువుల కంపెనీ డీలర్లు ఉన్నారు. పోలీసులు అదుపులోకి తీసుకున్న వారిలో ఇద్దరు ప్రభుత్వ అధికారులు కూడా ఉన్నట్టు తెలుస్తోంది. అయితే వారి వివరాలు గోప్యంగా ఉంచారు. 

నిజానికి ఇటీవలి కాలంలో కర్నూలు పట్టణంలోని పలు లాడ్జీలు అసాంఘిక కార్యకలాపాలకు అడ్డాగా మారుతున్నాయన్న ఆరోపణలు ఎక్కువగానే వస్తున్నాయి. పార్టీల పేరుతో లాడ్జీలలో యధేచ్ఛగా అశ్లీల నృత్యాలు చేస్తున్నా పోలీసులు పట్టించుకోవడం లేదన్న విమర్శలు ఉన్నాయి. దీంతో స్పందించిన పోలీసులు లాడ్జీలపై ఓ కన్నేశారు. ఆదివారం పక్కా సమాచారంతో షీ టీమ్స్‌తో కలిసి దాడి చేసిన పోలీసులు పలువురిని అరెస్ట్ చేశారు. 

ఈ పార్టీల్లో అశ్లీల నృత్యాలు చేసేందుకు ఇతర ప్రాంతాల నుంచి పెద్ద మొత్తం డబ్బులు చెల్లించి అమ్మాయిలను తీసుకొచ్చినట్టు ప్రాథమిక విచారణలో వెల్లడైంది. ఈ అశ్లీల డ్యాన్సులు పగలు రాత్రి అనే తేడా లేకుండా సాగించడంతో సమాచారం బయటకు పొక్కి పోలీసులకు చేరింది. ఈ వ్యవహారంపై కేసు నమోదు చేసిన పోలీసులు విచారణ జరుపుతున్నారు.