వారిద్దరూ ప్రేమించుకున్నారు. ఆన్‌లైన్ వారిని కలిపింది. ఆపై నాలుగు నెలల పాటు ఒకే ఫ్లాటులో వుండిపోయారు. కానీ ఏమైందో ఏమో కానీ.. ఓ రోజు ప్రేయసికి బ్రేకప్ చేసేశాడు. అంతే ప్రియురాలు ఇంటిని వదిలి వెళ్ళిపొమ్మంది. చివరిగా తనకు ముద్దెట్టమంది. ఇక బాయ్‌ఫ్రెండ్ కూడా ప్రేయసి అడిగిందని ముద్దెట్టాడు. అంతే బ్రేకప్ చెప్పిన కోపానికి ఆమె అతని నాలుకను గట్టిగా కొరికేసి.. నేలపై ఉమ్మేసింది.
ఎంతలా అంటే.. నాలుకలో కొంత భాగం ఊడిపోయి ఆమె నోట్లోకి వచ్చేసింది. 2017లో బార్సిలోనాలో జరిగిన ఈ ఘటనకు సంబంధించి.. ఇటీవల బార్సిలోనా తరపు న్యాయవాది కోర్టుకెక్కాడు. దీంతో బార్సిలోనా కోర్టు.. ప్రియుడి నాలుకను కొరికి ఉమ్మేసిన ప్రేయసికి ఎనిమిది సంవత్సరాల జైలు శిక్ష విధించాలని కోరడంతో ఈ వివాదం మళ్లీ తెరపైకి వచ్చింది. ప్రస్తుతం బార్సిలోనాలో సోషల్ మీడియాలో జనం దీనిపై విపరీతంగా చర్చించుకుంటున్నారు.