టాలీవుడ్ సినీ నిర్మాత వేదరాజు టింబర్ ఇకలేరు. ఆయన శుక్రవారం ఉదయం కన్నుమూశారు. ఆయనకు వయసు 54 సంవత్సరాలు. హీరో అల్లరి నరేష్‌‍తో ‘మడత కాజా‘, ‘సంఘర్షణ‘ వంటి చిత్రాలను నిర్మించారు. సినిమాలపై ఇష్టంతో ఓ వైపు నిర్మాణ రంగంలో బిజీగా ఉంటూనే మరోవైపు సినిమాలను నిర్మించిన నిర్మాత వేదరాజు టింబర్. త్వరలో మరో చిత్ర నిర్మాణానికి సన్నాహాలు జరుగుతున్న సమయంలోనే ఈ విషాదకర సంఘటన చోటుచేసుకోవడం గమనార్హం.
గత కొంతకాలంగా ఊపిరితిత్తులకు సంబంధించిన అనారోగ్యంతో హైదరాబాద్ నగరంలోని ఏఐజీ హాస్పిటల్‌లో ఆయన చికిత్స తీసుకుంటున్నారు. త్వరలోనే కోలుకుని వస్తారు అని సన్నిహితులు, కుటుంబ సభ్యులు భావిస్తున్న తరుణంలో ఇలా జరగటం వారందరిలో విషాదాన్ని నింపింది. ఆయనకు భార్య, కుమార్తె ఉన్నారు. అంత్య క్రియలు శుక్రవారం జరుగుతాయని కుటుంబ సభ్యులు తెలిపారు.