రజనీకాంత్ "కూలీ" నుంచి కీలక అప్‌డేట్... ట్రైలర్ రిలీజ్ ఎపుడంటే...

కోలీవుడ్ సూపర్ స్టార్ రజనీకాంత్ నటిస్తున్న తాజా చిత్రం "కూలీ". ఈ చిత్రానికి సంబంధించి కీలక అప్‌డేట్‌ను మేకర్స్ రిలీజ్ చేశారు. ఇందులోభాగంగా వచ్చే నెల నాలుగో తేదీన ఈ చిత్ర ట్రైలర్‌ను రిలీజ్ చేస్తామని వెల్లడించారు. లోకేష్ కనకరాజ్ దర్శకత్వంలో రూపొందుతున్న ఈ చిత్రంపై భారీ అంచనాలే నెలకొనివున్నాయి. ఆగస్టు 14వ తేదీన విడుదలకానున్న ఈ చిత్రంలో అక్కినేని నాగార్జున, అమీర్ ఖాన్, ఉపేంద్ర, శృతిహాసన్‌ తదితరులు కీలక పాత్రలను పోషించారు. సినిమా విడుదల తేదీ సమీపిస్తుండటంతో మేకర్స్ మూవీ ప్రమోషన్స్‌ను ముమ్మరం చేశారు. ఇటీవల లోకేశ్ కనకరాజ్ మాట్లాడుతూ, ఈ చిత్రానికి సంబంధించిన ట్రైలర్ రిలీజ్ వేడుక ఏమీ ఉండదని, నేరుగా చిత్రాన్ని విడుదల చేస్తామని ప్రకటించారు. 

అయితే, ఉన్నట్టుండి 'కూలీ' ట్రైలర్‌ను ఆకస్మికంగా విడుదల చేస్తామని ప్రకటించారు. ఆగస్టు 2వ తేదీన ట్రైలర్‌ను రిలీజ్ చేస్తున్నట్టు వెల్లడించారు. ఈ విషయాన్ని చిత్ర నిర్మాణ సంస్థ సన్ పిక్చర్స్ తన సోషల్ మీడియా వేదికగా వెల్లడించింది. బడా నిర్మాత కళానిధి మారన్ ఈ చిత్రాన్ని భారీ బడ్జెట్‌తో నిర్మిస్తున్నారు. ఈ మూవీ ట్రైలర్ కోసం అభిమానులు ఎంతో ఆసక్తిగా ఎదురు చూస్తున్నారు. లోకేశ్ యూనివర్స్ వరల్డ్ సిరీస్‌లో వస్తున్న చిత్రం కావడంతో టీజర్ ఇప్పటికే భారీ అంచనాలను పెంచేసింది. రజనీకాంత్ లుక్స్, పోస్టర్లు అభిమానులను విశేషంగా ఆకట్టుకున్నాయి.