5 నిమిషాలకు రూ.5 కోట్లు తీసుకున్న వీడియో ఇదే

బాలీవుడ్ నుంచి హాలీవుడ్ స్థాయికి ఎదిగిన హీరోయిన్ ప్రియాంకా చోప్రా. ఇపుడు బాలీవుడ్ కంటే హాలీవుడ్‌ చిత్రాలకే అధిక ప్రాధాన్యతనిస్తోంది. దీంతో ఈ భామ కోసం బాలీవుడ్ నిర్మాతలు పడిగాపులుకాయాల్సిన పరిస్థితి ఏర

బాలీవుడ్ నుంచి హాలీవుడ్ స్థాయికి ఎదిగిన హీరోయిన్ ప్రియాంకా చోప్రా. ఇపుడు బాలీవుడ్ కంటే హాలీవుడ్‌ చిత్రాలకే అధిక ప్రాధాన్యతనిస్తోంది. దీంతో ఈ భామ కోసం బాలీవుడ్ నిర్మాతలు పడిగాపులుకాయాల్సిన పరిస్థితి ఏర్పడింది. తాజాగా ఆమె కేవలం 5 నిమిషాల కార్యక్రమానికి రూ.5 కోట్లు వసూలు చేసిందన్న వార్త బాలీవుడ్‌లో ఓ సంచలనంగా మారింది. ఈ ప్రదర్శన రిహార్సల్ వీడియోను ప్రియాంకా తాజాగా తన ఇన్‌స్టాగ్రామ్ ఖాతాలో పోస్ట్ చేసింది. 

ఇటీవ‌ల ముంబైలో జీ సినీ అవార్డుల ప్రదాన కార్యక్రమం జరిగింది. ఇందులో ప్రియాంకా చోప్రా లైవ్‌ ప‌ర్‌ఫార్మెన్స్ ఇచ్చారు. అదీ కూడా కేవలం 5 నిమిషాల ప్రదర్శన. ఇందుకోసం ఆమె రూ.4 నుంచి 5 కోట్లు తీసుకుందట. ప్రియాంక గ్లోబల్ ఇమేజ్, ఇంటర్నేషనల్ మీడియాలో ఆమెకున్న ఫాలోయింగ్‌ని దృష్టిలో పెట్టుకొని ఈ వేడుక నిర్వహించిన జీ మీడియా.. ఆమె అడిగినంత మొత్తం ఇచ్చిన‌ట్టు తెలుస్తుంది. 

హంగామా త్వ‌ర‌లోనే టీవీలో ప్ర‌సారంకానుంది. ప్రియాంక రీసెంట్‌గా త‌న ఇన్‌స్ట్రాగ్రాంలో ఈ డ్యాన్స్ ప్ర‌ద‌ర్శ‌న‌కి సంబంధించిన రిహార్స‌ల్ వీడియోని షేర్ చేసింది. ఇందులో బ్యాక్ స్టేజ్ విశేషాల‌తో పాటు త‌న రిహార్స‌ల్‌కి సంబంధించిన దృశ్యాలు ఉన్నాయి. ప్రస్తుతం క్వాంటికో 3 సీరియల్‌తో పాటు 'ఈజ్ నాట్ ఇట్ రొమాంటిక్', 'ఎ కిడ్ లైక్ జేక్' అనే హాలీవుడ్ సినిమాలను ఈ అమ్మడు చేస్తోంది.

Lights. Camera. Dance. #StageLife @zeecineawards @ganeshhhegde

A post shared by Priyanka Chopra (@priyankachopra) on Dec 20, 2017 at 10:03pm PST