'డోల్ భాజే' పాట‌కు మానుషి నృత్యం.. వీడియో వైరల్
విశ్వసుందరిగా ఎన్నికైన భారతీయ సుందరాంగి మానుషీ చిల్లర్‌కు సంబంధించిన ఓ వీడియో ఒకటి సోషల్ మీడియాలో వైరల్గా మారింది. ఆ వీడియోలో ఆమె అద్భుతంగా డ్యాన్స్ చేశారు. రామ్‌లీలా చిత్రంలోని 'డోల్ భాజే' పాట‌కు మా
విశ్వసుందరిగా ఎన్నికైన భారతీయ సుందరాంగి మానుషీ చిల్లర్‌కు సంబంధించిన ఓ వీడియో ఒకటి సోషల్ మీడియాలో వైరల్గా మారింది. ఆ వీడియోలో ఆమె అద్భుతంగా డ్యాన్స్ చేశారు. రామ్‌లీలా చిత్రంలోని 'డోల్ భాజే' పాట‌కు మానుషి చిల్లర్ డ్యాన్స్ ఇరగదీశారు. ఈ వీడియోను కేవ‌లం మూడు రోజుల్లో 1.2 మిలియన్ల మందికిపైగా వీక్షించారు.
ఇటీవ‌ల చైనాలోని స‌న్యా సిటీలో జరిగిన మిస్ వరల్డ్ 2017 పోటీల్లో భార‌త సుంద‌రి మానుషీ చిల్లర్ విశ్వసుందరి కిరీటాన్ని దక్కించుకున్న విషయం తెల్సిందే. ఈ నేప‌థ్యంలో పోటీల్లో గెల‌వ‌డానికి దోహ‌ద‌ప‌డిన ప్ర‌శ్న‌లు - జ‌వాబుల వీడియో ఒకటి వైర‌లవుతున్నాయి. ఇప్పుడు అదే దారిలో ఆమెకు సంబంధించిన మ‌రో వీడియో వైరల్గా మారింది.
ఈ వీడియోలో ప్ర‌పంచ సుంద‌రి పోటీల్లో పాల్గొన్న వారంద‌రూ త‌మ‌ను తాము ఒక్కొక్క‌రిగా ప‌రిచ‌యం చేసుకోవ‌డం, త‌ర్వాత వేదిక మీద త‌మ త‌మ దేశ సంప్ర‌దాయాల‌ను గుర్తుచేసేలా నృత్యాలు చేయ‌డం చూడొచ్చు. ఆ వీడియోను మీరూ చూడండి.
