పరువు హత్యలు ఇటీవలి కాలంలో వెలుగుచూస్తున్నాయి. పరువు కోసం ప్రాణాలు తీసేవారు కొందరైతే... తమ కుమార్తెను ముట్టుకున్నందుకు సదరు యువకుడికి అంగవైకల్యం కలిగేట్లు చేసేవారు మరికొందరు. ఇంకొందరు సదరు వ్యక్తికి ఎలాంటి అవకాశం లేకుండా వీధుల్లో పిచ్చివాడిలా తిరిగేట్లు చేసేస్తుంటారు.
పరువు హత్యోదంతాలు, దాడులు వినేందుకే అతి భయంకరంగా వుంటాయి. ఐతే వీటిలోని ఓ పాయింటును తీసుకుని ఉప్పెన చిత్రం తెరకెక్కింది. ఇందులో హీరోహీరోయిన్లు బోటులో వెళ్లి గడిపే శృంగార సన్నివేశం, ఆ సమయంలో హీరోయిన్ తృప్తిగా కళ్ల వెంట నీళ్లు రాల్చటం యువతలో కేరింతలు కొట్టించింది. ఐతే... ఆ తర్వాత పరువు కోసం ప్రాణమిచ్చే హీరోయిన్ తండ్రి, హీరో వ్యక్తిగత భాగాన్ని కట్ చేసే సన్నివేశం కొందరు ప్రేక్షకులను హర్ట్ చేసిందనే టాక్ వినిపిస్తుంది.
ఉప్పెన చిత్రం సాంగ్స్ విని ఉత్సాహంగా చూద్దామని వెళితే.. ట్రెయిలర్ లో వున్నంత హృద్యంగా పాటల చిత్రీకరణ లేదనీ, పైగా హీరోకి మగతనం లేకుండా చేసేందుకు పురుషాంగం కట్ చేసే సీన్ తమను షాక్ కి గురి చేసిందని కొందరు అంటున్నారు. ఈ లెక్కన ఈ వారం ఓకే కానీ వచ్చేవారంలో ఈ సీన్ దెబ్బకి జనం ఎంతమేరకు థియేటర్లకు వస్తారో, ఏమేరకు వసూళ్లవుతాయో చూడాల్సిందే.