మెగాస్టార్ చిరంజీవి న‌టించిన 151వ చిత్రం సైరా న‌ర‌సింహారెడ్డి. సురేంద‌ర్ రెడ్డి ద‌ర్శ‌క‌త్వంలో రామ్ చ‌ర‌ణ్ అత్యంత ప్ర‌తిష్టాత్మ‌కంగా నిర్మించిన ఈ సంచ‌ల‌న చిత్రం అక్టోబ‌ర్ 2న వ‌ర‌ల్డ్ వైడ్‌గా చాలా గ్రాండ్‌గా రిలీజ్ చేయనున్నారు. తెలుగుతో పాటు తమిళ, మలయాళ, కన్నడ, హిందీ భాషల్లో ఈ సినిమాను విడుదల చేయనున్నారు.
ఈ నేపథ్యంలో ఈ సినిమా నుంచి కొత్తగా ఒక పోస్టర్‌ను రిలీజ్ చేసారు. ఈ సినిమాలో హైలైట్‌గా నిలిచే ఒక సన్నివేశానికి సంబంధించిన సమాచారాన్ని ఈ పోస్టర్ ద్వారా ఇచ్చారు. నోస్సం ఫోర్ట్ నేపథ్యంలోని యాక్షన్ సీక్వెన్స్ ఈ సినిమాకి మేజర్ హైలైట్‌గా నిలవనుందని అంటున్నారు. దేశ విదేశాలకి చెందిన ఆర్టిస్టులు.. ఫైటర్స్ కలుపుకుని 2000 మందితో, 35 రాత్రుల పాటు ఈ యాక్షన్ సీక్వెన్స్‌ను గ్రాండ్‌గా చిత్రీకరించినట్టుగా చెప్పారు.
రోమాలు నిక్కబొడుచుకునేలా ఈ సన్నివేశం ఉంటుందని చెబుతున్నారు. ఈ మూవీ రిలీజ్ డేట్ ద‌గ్గ‌ర ప‌డుతున్న కొద్దీ సినిమాపై అంచ‌నాలు మ‌రింత‌గా పెరుగుతున్నాయి. ఈ సినిమా విజ‌యం పై చిత్ర యూనిట్ గ‌ట్టి న‌మ్మ‌కంతో ఉన్నారు. మ‌రి... ఈ సంచ‌ల‌న చిత్రం సైరాతో మెగాస్టార్ ఏ స్థాయి విజ‌యాన్ని సాధిస్తారో చూడాలి.