సోషల్ మీడియాలో వైరల్ అయిన ప్రియా ఆకాష్ వారియర్.. మరో వివాదంలో చిక్కుకుంది. ''మాణిక్య మలరాయ పూవీ'' పాటపై వివాదం నెలకొన్న నేపథ్యంలో.. ఈ పాటలో ప్రియా ప్రకాష్ వారియర్ సైగలు ముస్లిం మనోభావాలను కించపరిచేలా వున్నాయంటూ ఇప్పటికే హైదరాబాదులో ఓ వ్యక్తి ఫిర్యాదు చేశాడు. ప్రస్తుతం ఈ వివాదం ముంబైకి చేరుకుంది. ముంబైలోని రజా అకాడమీ సభ్యులు ఈ పాటను నిషేధించాలంటూ.. సీబీఎఫ్‌సీకి లేఖ రాశారు.
ఈ నేపథ్యంలో ''ఒరు అదార్ లవ్‌''లోని ఓ పాటలో తన కన్నుల హావభావాలతో కన్ను గీటుతూ.. అందంగా హావభావాలు కనబరుస్తూ సోషల్ మీడియాలో సెలెబ్రిటీ అయిపోయిన ప్రియా వారియర్‌పై ఓ వైపు కేసులు నమోదైనా.. మరోవైపు ప్రియా వారియర్ వీడియోను గుజరాత్ దళిత నేత, ఎమ్మెల్యే జిగ్నేష్ మేవానీ తన ప్రత్యర్థులపై విమర్శలు గుప్పించేందుకు ఉపయోగించుకున్నారు.
ఈ వీడియో హిట్ కావడం ద్వారా ప్రేమికుల రోజును నిరసించే ఆరెస్సెస్‌కు ఓ సమాధానమని తెలిపారు. ఒకరిని ద్వేషించడం కంటే ప్రేమించడాన్ని అధికంగా ఇష్టపడతారని భారతీయులు ఈ వీడియో ద్వారా మరోసారి రుజువు చేశారని ట్విట్టర్‌లో జిగ్నేష్ మేవానీ పేర్కొన్నారు.