చేతులకు సంకెళ్లు - నోట్లో పొగలు... భయపెడుతున్న చియాన్ విక్రమ్

తమిళ చిత్ర పరిశ్రమలో వైవిధ్యమైన పాత్రలకు కేరాఫ్ అడ్రస్ చియాన్ విక్రమ్. తాను నటించే ప్రతీ సినిమాలోనూ ఎదో ఒక వెరైటీ చూపిస్తూ ప్రేక్షకులను ఆకర్షిస్తుంటాడు. ఇటీవ‌ల "సామి 2" అనే చిత్రంతో ప్రేక్ష‌కుల ముందుకు వ‌చ్చిన విక్ర‌మ్ ప్ర‌స్తుతం త‌న 56వ సినిమాతో బిజీగా ఉన్నాడు. 

దీపావ‌ళి సంద‌ర్భంగా చిత్ర ఫ‌స్ట్ లుక్ విడుద‌ల చేశారు. ఇందులో అత‌ని చేతులు సంకెళ్ళ‌తో బంధించి ఉండ‌గా, నోటిలో నుండి పొగ‌లు విర‌జిమ్ముతున్నాయి. ఈ పోస్ట‌ర్ అభిమానుల‌ని ఎంత‌గానో అల‌రిస్తుంది. "క‌ద‌రం కొంద‌న్" అనే టైటిల్‌తో ఈ చిత్రాన్ని నిర్మిస్తున్నారు. 

రాజేష్ ఎం సెల్వ ఈ చిత్రానికి దర్శకత్వం వహిస్తున్నాడు. గిబ్రాన్ సంగీతం అందిస్తున్నాడు. రాజ్‌క‌మ‌ల్ ఫిలింస్ ఇంట‌ర్నేష‌న‌ల్ ప‌తాకంపై క‌మ‌ల్ హాస‌న్ ఈ చిత్రాన్ని స‌మ‌ర్పిస్తున్నాడు. ఈ మూవీలో సౌంద‌ర్య రవీంద్ర‌న్, అక్ష‌ర హాస‌న్ ముఖ్య పాత్రలు పోషించ‌నున్న‌ట్టు తెలుస్తుంది.