ఆ తల్లి మా తల్లి కాదు.. కానీ, కమ్మనైన మనస్సున్న తల్లి అమ్మే కదా.. చిరు

మెగాస్టార్ చిరంజీవి తల్లి అంజనాదేవి... కరోనా కష్టకాలంలో తన వృద్దాప్యాన్ని సైతం లెక్క చేయకుండా మాస్కులు కుడుతున్నారంటూ ఓ న్యూస్ సోషల్ మీడియాలో వైరల్ అయింది. ఆమె గత మూడు రోజులుగా తన స్నేహితురాళ్లతో కలిసి స్వయంగా దాదాపు 700 పైగా మాస్క్‌లు కుట్టారనీ, వారిని అవసరమున్నవారికి అందజేశారనీ, ఈ కష్టకాలంలో తోటి మనుషులకు తోడుగా తన వృద్ధాప్యాన్ని కూడా లెక్క చేయకుండా ఆమె సమాజం కోసం తనవంతు బాధ్యతను నెరవేరుస్తున్నారంటూ అనేక మీడియాల్లో కూడా కథనాలు వచ్చాయి. ఈ విషయం మెగా ఫ్యామిలీ దృష్టికి వెళ్లింది.

దీనిపై మెగాస్టార్ చిరంజీవి క్లారిటీ ఇచ్చారు. కొన్ని ప‌త్రికా సంస్థ‌లు, మీడియా ఛానెల్స్ నా త‌ల్లి మాన‌వ‌తా దృక్ప‌థంతో ప‌ని చేస్తున్న‌ట్టు వార్తు రాశాయి. ఆ వార్తలు నిజం కాదు. ఆ ఫోటోలో క‌నిసిస్తుంది నా త‌ల్లి కాదు. కాక‌పోతే కష్టకాలంలో తోటి మనుషులకు తోడుగా ఉండేందుకు ఓ త‌ల్లి చేస్తున్న ప్ర‌య‌త్నానికి నా ధ‌న్య‌వాదాలు తెలియ‌జేస్తున్నాను. కమ్మనైన మనసున్న ప్రతి తల్లి అమ్మే క‌దా అని చిరంజీవి ఎంతో భావోద్వేగంతో తన ట్విట్టర్ ఖాతాలో ఓ ట్వీట్ చేశారు.