హనుమంతునిపై భక్తికి మా అన్నయ్యే కారణం : పవన్ కళ్యాణ్

గురువారం, 9 ఏప్రియల్ 2020 (14:39 IST)
ఏప్రిల్ ఎనిమిదో తేదీన హనుమాన్ జయంతి వేడుకలు జరిగాయి. ఈ వేడుకలను పురస్కరించుకుని మెగాస్టార్ చిరంజీవి తన ట్విట్టర్ ఖాతాలో ఓ హనుమాన్ ఫోటోను పోస్ట్ చేసింది.. ఆ ఫోటోకు తనకు ఉన్న అనుబంధాన్ని వివరించారు. 
 
ముఖ్యంగా తాను షేర్ చేసిన హనుమంతుడు బొమ్మ తనకు ఎలా వచ్చిందో వివరించారు. లాట‌రీలో వ‌చ్చిన ఆంజ‌నేయుని బొమ్మని నా చేతిలో చూసిన మా నాన్నగారు, "ఆ కనుబొమ్మలు, కళ్ళు, ముక్కు అచ్చం నీకు అలానే ఉన్నాయి" అన్నారు. అందుకే బొమ్మని అప్పటి నుంచి ఇప్పటి దాకా నా దగ్గర అలాగే భద్రంగా ఉందని చెప్పుకొచ్చారు మెగాస్టార్.
 
దీనిపై ఆయన సోదరుడు, జనసేన పార్టీ అధినేత, సినీ హీరో పవర్ స్టార్ పవన్ కళ్యాణ్ గురువారం స్పందించారు. ఈ మేరకు ఆయన తన ట్విట్టర్ ఖాతాలో ఓ ట్వీట్ చేశారు. 'హ‌నుమంతునిపై భక్తి అన్న ద్వారానే వచ్చిందన్నారు. నాస్తికుడు, కమ్యూనిస్టు నుంచి రాముని పూజించే వ‌ర‌కు వ‌చ్చారు మా నాన్న. ఆయ‌న ద్వారా అన్నకు.. అన్న‌ ద్వారా నాకు భ‌క్తి అబ్బిందన్నారు. చిన్నపుడు నేను ఎన్నో సార్లు హనుమాన్ చాలీసా చదివాను. 108 సార్లు పఠించిన సంగతి కూడా ఈ సంద‌ర్భంగా పవన్ ప్రస్తావించారు. 

వెబ్దునియా పై చదవండి

తర్వాతి కథనం సల్మాన్ పెద్ద మనసు : 25 మంది కార్మికుల ఖాతాల్లో రూ.3 వేలు జమ