సుందరా ట్రావెల్స్, హడావిడి, గేమ్ తదితర చిత్రాల్లో హీరోయిన్‌గా నటించారు రాధ. ఆ తర్వాత ఆమెకు అంతంగా అవకాశాలు రాలేదు. అనంతరం ఆమె ఓ నిర్మాతను వివాహం చేసుకుంది.
కొన్నాళ్ల తర్వాత వీరిద్దరి మధ్య ఏర్పడిన మనస్పర్థాల కారణంగా ఆమె విడాకులు తీసుకుంది. తన కొడుకుతో కలిసి తల్లి దగ్గర జీవిస్తున్న రాధ.. కొన్ని నెలల క్రితం వసంతా రాజాను రెండో వివాహం చేసుకున్నారు.
ఈ నేపథ్యంలో తన రెండో భర్తపై మరోసారి ఫిర్యాదు చేశారు. కొద్ది నెలల క్రితం ఎన్నూరు పోలీస్ స్టేషన్ సబ్ ఇన్‌స్పెక్టర్ వసంత రాజాను రెండో వివాహం చేసుకున్నారు రాధ. ఈ క్రమంలోనే తన భర్త తనను చిత్రహింసలకు గురిచేస్తున్నాడని.. చంపుతానని బెదిరిస్తున్నాడని.. గత ఏప్రిల్ నెలలో స్థానిక విరుగంబాక్కం పోలీస్ స్టేషన్ లో ఫిర్యాదు చేశారు. ఆ తర్వాత ఇద్దరు రాజీ పడి ఆ ఫిర్యాదును ఉపసంహరించుకున్నారు.
ఇప్పుడు మరోసారి తన భర్త తనపై అనుమానం పెంచుకుని తీవ్రంగా కొడుతున్నాడని.. అతని పై చర్యలు తీసుకోవాలని ఆరోపిస్తూ.. ఆదివారం పరంగిమలైలోని జాయింట్ కమిషనర్ కార్యాలయంలో మరోసారి ఫిర్యాదు చేశారు రాధా.