6 నుంచి "పుష్ప" కోసం శ్రీలీల - అల్లు అర్జున్ ఐటమ్ సాంగ్ చిత్రీకరణ?

అల్లు అర్జున్ - సుకుమార్ కాంబినేషన్‌లో వచ్చిన 'పుష్ప' చిత్రానికి రెండో భాగం 'పుష్ప-2' మూవీ వచ్చే నెలల 5వ తేదీన ప్రపంచ వ్యాప్తంగా వి డుదలకానుంది. ఇప్పటికే ఈ చిత్రం షూటింగ్ పూర్తి చేసుకుని తుది దశ నిర్మాణ పనులను జరుపుకుంటుంది. అయితే, ఈ చిత్రం కోసం ఓ టైమ్ సాంగ్‌ను దర్శకుడు ప్లాన్ చేశారు. ఇందుకోసం ఐటమ్ గర్ల్‌గా టాలీవుడ్ యంగ్ హీరోయిన్ శ్రీలీలను ఎంపిక చేశారు. దీంతో ఈ నెల 6వ తేదీ నుంచి అల్లు అర్జున్ - శ్రీలీలపై ఈ పాట చిత్రీకరణ ప్రారంభించనున్నట్టు సమాచారం. 

కాగా, ఇప్పటికే మూవీ నుంచి విడుదలైన పాటలు, గ్లింప్స్, పోస్టర్లు సినిమాపై హైప్ క్రియేట్ చేశాయి. ఈ క్రమంలో ఇప్పుడు ఈ చిత్రంలోని ఐటెమ్ సాంగ్‌కు సంబంధించి ఓ ట్వీట్ వైరల్ అవుతోంది. యంగ్ బ్యూటీ శ్రీలీల ఈ సాంగ్ చేయబోతున్నట్లు అందులో ఉంది. "టాలెంటెడ్ డ్యాన్సర్ శ్రీలీలకి స్వాగతం.. ఇద్దరు పవర్‌ఫుల్ డ్యాన్సర్లు వేదికపై నిప్పులు చెరిగేందుకు సిద్ధంగా ఉన్నారు" అంటూ ట్వీట్ చేశారు.

అలాగే ఈ పాట చిత్రీకరణ ఈ నెల 6వ తేదీ నుంచి మొదలుకానుందని తెలిపారు. ప్రముఖ నృత్యదర్శకుడు గణేశ్ ఆచార్య కొరియోగ్రఫీ అందించనున్నారు. దీనికి 'రేసుగుర్రం'లోని సినిమా చూపిస్తా మావ అనే పాటపై శ్రీలీలను బన్నీ ఎత్తుకుని డ్యాన్స్ చేస్తున్న వీడియోను జోడించారు.

అసలు తగ్గేదేలే అంటూ చేసిన ఈ ట్వీట్ ఇప్పుడు సోషల్ మీడియాలో తెగ హల్ చల్ చేస్తోంది. ఇది చూసిన సినిమా లవర్స్ ఇద్దరు టాలెంటెడ్ డ్యాన్సర్లను ఒకేసారి తెరపై చూస్తే థియేటర్లు దద్దరిల్లిపోవడం ఖాయమని కామెంట్ చేస్తున్నారు.