ప్రభాస్ "సలార్‌"లో ప్రియాంకా చోప్రా ఐటమ్ సాంగ్?

యంగ్ రెబెల్ స్టార్ ప్రభాస్ చేపట్టిన ప్రాజెక్టుల్లో సలార్ ఒకటి. ‘కేజీయఫ్‌’ ఫేమ్‌ ప్రశాంత్‌నీల్‌ దర్శకత్వంలో ఈ చిత్రం తెరకెక్కుతోంది. ఈ విషయాన్ని ప్రకటించిన రోజు నుంచే ఎంతో క్రేజ్‌ సంపాదించుకుంది. ఇపుడు ఓ సరికొత్త అప్‌డేట్‌ ప్రస్తుతం అందర్నీ ఎంతగానో ఆకర్షిస్తోంది. ఈ మేరకు ‘సలార్‌’ కోసం గ్లోబల్‌స్టార్‌ ప్రియాంకా చోప్రా రంగంలోకి దిగనున్నట్లు తెలుస్తోంది.

ఇటు బాలీవుడ్‌లోనే కాకుండా, అంటు హాలీవుడ్‌లో సైతం ప్రియాంక్ చోప్రా రాణిస్తోంది. ఈ క్రమంలోనే ‘సలార్‌’పై బాలీవుడ్‌ ప్రేక్షకుల చూపు పడేలా చేసేందుకు ప్రియాంకా చోప్రాను రంగంలోకి దించాలని సదరు చిత్రబృందం భావిస్తోందట. 

ఈ మేరకు ప్రియాంక ‘సలార్‌’లో ఓ ప్రత్యేక గీతంలో ఆడిపాడనున్నారంటూ వార్తలు హల్‌చల్‌ చేస్తున్నాయి. అయితే, సదరు వార్తలపై ఎలాంటి అధికారిక ప్రకటన వెలువడలేదు. 

మరోవైపు ఒకవేళ ఇదే కనుక నిజమైతే.. తొమ్మిదేళ్ల తర్వాత ఓ టాలీవుడ్‌ నటుడు సరసన ప్రియాంక నటించిన చిత్రమిదే అవుతుంది. రామ్‌చరణ్‌ హీరోగా నటించిన ‘జంజీర్‌’లో ప్రియాంక నటించిన విషయం తెలిసిందే. ఇక, ‘సలార్‌’ షూట్‌ ప్రస్తుతం గోదావరిఖనిలో జరుగుతోంది. ఈ సినిమాలో నటి శ్రుతిహాసన్‌ కీలకపాత్రలో కనిపించనున్నారు.