Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia
Advertiesment

పెళ్లి తర్వాత హ్యాపీ.. ఆయన దృష్టిలో నేనే సూపర్ స్టార్- అర్చన

webdunia
శనివారం, 16 జనవరి 2021 (18:03 IST)
Archana
``నాకిచ్చిన పాత్ర ఏదైనా సిన్సియర్‌గా చేస్తాను. ‘నేను’ మూవీతో కెరీర్ స్టార్ట్ చేసిన నాకు చాలా మంచి పాత్రలు వచ్చాయి. శ్రీరామదాసులో సీత పాత్రతో మరింత పేరు వచ్చింది. నా వర్కింగ్ స్టైల్ అంటూ నాకుంటుంది. ఒక పాత్రకే పరిమితమయ్యేలా చూసుకోను. నాకు డ్యాన్స్ చేయడం చాలా ఇష్టం. స్పెషల్ సాంగ్స్ చేయడం,  గ్లామర్ రోల్స్ చేయడం వల్ల ఆఫర్స్ తగ్గుతాయని నేను అనుకోను. పెళ్లి తర్వాత హ్యాపీగా ఉన్నాం. నా భర్త దృష్టిలో నేనే సూపర్ స్టార్.  ప్రస్తుతం హైదరాబాద్ లోనే ఉంటున్నాను.  కెమెరామెన్  అంజి డైరెక్షన్ లో ఈరోజే  ఒక ప్రాజెక్ట్ కి సైన్ చేశాను. చాలా ఇంటరెస్టింగ్ రోల్ లో  నటిస్తున్నాను’.. అంటున్నారు న‌టి అర్చ‌న‌.
 
తాజాగా అర్చన న‌టించిన సినిమా ''అన్నపూర్ణమ్మ గారి మనవడు''. ఈ నెల 29న ఈ చిత్రం విడుదల కానుంది. నర్రా శివనాగేశ్వరరావు (శివనాగు) దర్శకత్వంలో ఎం.ఎన్.ఆర్.చౌదరి ఈ చిత్రాన్ని నిర్మించారు.
 
స్వచ్ఛమైన పల్లెటూరి కథతో ఉమ్మడి కుటుంబాలలో వున్న అనుబంధాలను, మానవ సంబంధాలను  సమ్మిళతం చేసి తెరకెక్కించిన చిత్రమే ఇది. ఈ నేపథ్యంలో హీరోయిన్ అర్చన మాట్లాడుతూ, ‘2020 ప్రభావం మనపై బాగా చూపించింది.  ఈ ఏడాది అందరికీ శుభం కలగాలని కోరుకుంటున్నా. అన్నపూర్ణమ్మ, జమున గారి సినిమాలను చిన్నప్పట్నుంచీ చూస్తూ పెరిగాను. వాళ్ల మూవీలో నటించే చాన్స్ రావడం సంతోషంగా ఉంది. 
 
కొత్త కాన్సెప్ట్‌తో వస్తోన్న  చిత్రాలను ఆడియెన్స్ ఎప్పుడూ ఎంకరేజ్ చేస్తున్నారు. ఫ్యామిలీ అంతా కలిసి చూసే సినిమా ఇది. కళాతపస్వి కె.విశ్వనాధ్ గారు ఈ చిత్రం చాలా బావుందని ప్రశంసించడం ఆనందంగా ఉంది. ఇందులో మెడికల్ స్టూడెంట్‌గా మొదలయ్యే నా పాత్ర ఆ తర్వాత ప్రేమ పెళ్లి చేసుకోవడం, ప్రేమించినవాడి కోసం ఎంత దూరమైనా వెళ్లే పాత్ర చేశాను.
 
సమాజంలో ప్రస్తుతం జరుగుతున్న పరువు హత్యలను కూడా ఈ చిత్రంలో చూపించారు. నటనకు ఎంతో అవకాశం ఉన్న పాత్రను ఇందులో పోషించాను. దర్శకుడు నర్రా శివానాగేశ్వరరావు చిత్రంతో పాటు నా పాత్రను అద్భుతంగా మలిచారు. నేను నటించిన అన్ని సినిమాలను ప్రేక్షకులు బాగా ఆదరించారు. ఈ మూవీతో మరిన్ని అవకాశాలు వస్తాయని అనుకుంటున్నా.. అని తెలిపారు.

Share this Story:

Follow Webdunia Hindi

తర్వాతి కథనం

రోజురోజుకూ మ‌హేశ్‌ అందం పెరుగుతోంద‌ట‌!