గ్లామర్ క్వీన్ రకుల్ ప్రీత్ సింగ్ అలాంటి పాత్రలో...

మన్మథుడు 2 చిత్రంలో ఓ టైపు పాత్రలో నటించిన  రకుల్ ప్రీత్ సింగ్ సినీ పరిశ్రమలో తనకంటూ ఒక స్థానాన్ని సంపాదించుకున్నారు. తాజాగా ఆమె బాలీవుడ్ ఇండస్ట్రీపై ఫోకస్ పెట్టింది. అక్కడ ఛాన్సులు రావాలంటే ఎలాంటి పాత్రలు చేయాలో వేరే చెప్పక్కర్లేదు.

బోల్డ్ పాత్రలు చేసేందుకు బాలీవుడ్ భామలు ఎంతమాత్రం వెనకాడరు. ఇప్పుడు రకుల్ ప్రీత్ సింగ్ కూడా తన పరిధిని కాస్త విస్తరించి మరింత బోల్డ్ రోల్ చేసేందుకు అంగీకరించిందట. రకుల్ కండోమ్ టెస్టర్ పాత్రను పోషించేందుకు సై అన్నట్లు బాలీవుడ్ సినీజనం చెప్పుకుంటున్నారు. ఈ చిత్రం ఆర్ఎస్విపి పతాకంపై నిర్మించబడుతుందని సమాచారం.

ఈ చిత్రం కోసం ఆమెను సంప్రదించినప్పుడు రకుల్ ప్రీత్ సింగ్ కొద్దిసేపు ఆశ్చర్యపోయినప్పటికీ ఇలాంటి ఛాలెంజింగ్ పాత్ర చేసేందుకు సై అందట. పైగా సమాజంలో వున్నటువంటి పరిస్థితులు, యువతులు ఎదుర్కొనే సమస్యల విషయంలో కొన్నిసార్లు ఇలాంటి సున్నితమైన పాత్రలు చేయాల్సిందే అని కూడా చెప్పిందట. కాగా ఈ చిత్రం లఘుచిత్రమనీ, షూట్ చేయడానికి ఎక్కువ సమయం పట్టదని అంటున్నారు. దేశంలో మహమ్మారి పరిస్థితి సాధారణ స్థితికి చేరుకున్న తర్వాత షూటింగ్ ప్రారంభమవుతుందని భావిస్తున్నారు.

కండోమ్ టెస్టర్ ఏం చేస్తారు?

కండోమ్ పరీక్షకులు సెక్స్-ఎగ్జిక్యూటివ్స్ అన్నమాట. వారు పెద్ద కంపెనీలచే తమ కండోమ్‌లు మార్కెట్లోకి రాకముందే పరీక్షించడానికి నియమించుకుంటారు. పాత్ర కోసం సైన్ అప్ చేసే టెస్టింగ్ ఎగ్జిక్యూటివ్స్ కొంతకాలం శృంగారంలో పాల్గొనడానికి కేటాయించబడతారు. ఆ తరువాత కండోమ్ పట్ల వారి అనుభవం గురించి ప్రశ్నలు అడుగుతారు. కండోమ్ శబ్దం చేసిందా, సౌకర్యంగా ఉందా, బాధాకరంగా ఉందా, ఆహ్లాదకరంగా ఉందా... ఇలా తదితర ప్రశ్నలు ఎన్నో వుంటాయి.