తెలంగాణ రాష్ట్ర సమితి (తెరాస) శ్రేణులు సంబురాలకు సిద్ధమవుతున్నాయి. ఈ నెల 6, 7, 8 తేదీల్లో ఈ సంబురాలు జరుపుకోనున్నారు. ఇందులోభాగంగా, పార్టీ అధినేత, ముఖ్యమంత్రి కేసీఆర్‌కు రాఖీ కట్టడం, పారిశుద్ధ్య కార్మికులు, డాక్టర్లు, ప్రతిభ కలిగిన విద్యార్థినిలు, ఆశా వర్కర్లు, ఏఎన్ఎంలు, స్వయం సహాక సంఘాల నాయకురాళ్లు తదితర మహిళలకు గౌరవపూర్వకంగా సన్మానం చేయనున్నారు.
అదేవిధంగా కేసీఆర్ కీట్, షాదీ ముబారక్ థ్యాంక్యూ కేసీఆర్ వంటి ఆకారం వచ్చే మానవహారాలు ఏర్పాటు చేయడం జరుగుతుందన్నారు. 7వ తేదీన మహిళా సంక్షేమ కార్యక్రమాలయి కళ్యాణలక్ష్మి, కేసీఆర్ కిట్‌లు ఇతర మహిళా సంక్షేమ కార్యక్రమాల లబ్దిదారులను నేరుగా ఇంటివద్దకెళ్లి కలవడం లబ్ధిదారులతో సెల్ఫీలు తీసుకోవడం వంటివి చేస్తారు. 8వ తేదీన నియోజకవర్గ స్థాయిలో మహిళలతో సమావేశం సంబరాలు ఉంటాయి.