మైనర్ బాలికపై వేధింపులు.. ప్రైవేట్ వీడియోను క్యాప్చర్ చేసి...?

మైనర్ బాలికపై వేధింపులకు పాల్పడుతున్న 21 ఏళ్ల యువకుడిని హైదరాబాద్ సైబర్ క్రైమ్ పోలీసులు అరెస్ట్ చేశారు. అరెస్టయిన అకీలుద్దీన్ అనే ఎలక్ట్రీషియన్ తలాబ్ కట్టాలోని అమన్ నగర్‌లో నివాసం ఉంటున్నాడు. పోలీసులు వివిధ సెక్షన్ల కింద కేసు నమోదు చేశారు. 

వివరాల్లోకి వెళితే.. సెప్టెంబర్ 7న బండ్లగూడ నివాసి నుండి తమకు ఫిర్యాదు అందింది. స్నాప్‌చాట్ యాప్ ద్వారా అకీల్ తన మైనర్ కుమార్తెకు కాల్స్, వీడియో కాల్స్ చేశాడని బాధితురాలి తల్లిదండ్రులు తెలిపారు. 

వీడియో కాలింగ్ చేస్తున్నప్పుడు, అతను ఆమె కుమార్తె ప్రైవేట్ వీడియోను క్యాప్చర్ చేశాడు. ఈ వీడియోలు యాప్‌లో పోస్టు చేశాడు. ఈ ఘటనపై సైబర్ క్రైం పోలీసులు నిందితుడిని అరెస్ట్ చేసి..  కోర్టులో హాజరుపరిచి రిమాండ్‌కు తరలించారు.