పహల్గాం ఉగ్రదాడి తర్వాత భారత్ పాకిస్తాన్ దేశాల మధ్య ఉద్రిక్తతలు నెలకొన్నాయి. ఈ ఘటనకు ప్రతీకారంగా దాయాది దేశాన్ని గట్టిగా దెబ్బకొట్టాలనే డిమాండ్లు పుట్టుకొస్తున్నాయి. ఈ క్రమంలోనే తాజాగా కర్నాటక మంత్రి బి.జడ్.జమీర్ అహ్మద్ ఖాన్ చేసిన వ్యాఖ్యలు ఇపుడు సామాజిక మాధ్యమాల్లో వైరల్ అయ్యాయి. ఆత్మాహుతికి బాంబు ఇస్తే పాక్‌పై పోరాటానికి తాను సిద్ధమేనని వ్యాఖ్యానించారు.
'పాకిస్థాన్ ఎప్పటికీ భారత్‌కు శత్రుదేశమే. ఆ దేశంతో మనకు ఎలాంటి సంబంధాలు లేవు. ప్రధాని నరేంద్ర మోడీ, కేంద్ర హోం మంత్రి అమిత్ షాలు అంగీకరింస్తే ఆ దేశంపై యుద్ధాన్ని ప్రారంభించేందుకు నేను సిద్ధం. ఆత్మాహుతికి నాకొక బాంబు ఇవ్వండి' అని ఆయన అన్నారు. అదేసమయంలో పహల్గాం ఉగ్రదాడిని ఆయన తీవ్రంగా ఖండించారు. ఇది చాలే హేయమైన చర్య అని, ఉగ్రవాదానికి వ్యతిరేకంగా పోరాడేందుకు మనమంతా ఏకమవ్వాలని ఆయన పిలుపునిచ్చారు.