గెలాక్సీ ఎస్ 25 సిరీస్‌ను విడుదల చేసిన సామ్‌సంగ్

సామ్‌సంగ్ తమ తాజా గెలాక్సీ ఎస్ 25 అల్ట్రా, గెలాక్సీ ఎస్ 25+, గెలాక్సీ ఎస్ 25 స్మార్ట్‌ఫోన్‌లను ఈరోజు విడుదల చేసినట్లు వెల్లడించింది, ఇవి సామ్‌సంగ్ ఇప్పటివరకు సృష్టించిన అత్యంత సహజమైన, సందర్భోచిత మొబైల్ అనుభవాలతో నిజమైన ఏఐ సహచరుడిగా నూతన ప్రమాణాన్ని నెలకొల్పాయి. “గొప్ప ఆవిష్కరణలు వాట్రి వినియోగదారుల ప్రతిబింబం, అందుకే ప్రతి ఒక్కరూ తమ పరికరాలతో మరింత సహజంగా, సౌకర్యవంతంగా  సంభాషించడానికి సహాయపడటానికి మేము గెలాక్సీ ఏఐని అభివృద్ధి చేసాము, అదే సమయంలో వారి గోప్యత సురక్షితంగా ఉందని విశ్వసిస్తున్నాము” అని సామ్‌సంగ్ ఎలక్ట్రానిక్స్ మొబైల్ ఎక్స్పీరియన్స్ బిజినెస్ ప్రెసిడెంట్, హెడ్ టిఎం రోహ్ అన్నారు. “గెలాక్సీ ఎస్ 25 సిరీస్ ఏఐ-ఇంటిగ్రేటెడ్ ఓఎస్‌కి తలుపులు తెరుస్తుంది, ఇది మనం టెక్నాలజీని ఎలా ఉపయోగిస్తాము, మన జీవితాలను ఎలా గడుపుతాము అనే వాటిని మారుస్తుంది” అని అన్నారు. 

వన్ యుఐ 7తో వచ్చే మొదటి స్మార్ట్‌ఫోన్,గెలాక్సీ S25 సిరీస్. ఇది సామ్‌సంగ్ యొక్క ఏఐ-ఫస్ట్ ప్లాట్‌ఫామ్, ఇది ఏఐ-ఆధారిత వ్యక్తిగతీకరించిన మొబైల్ అనుభవాలను సాధ్యం చేస్తూ అత్యంత సహజమైన నియంత్రణలను అందించడానికి రూపొందించబడింది. మల్టీమోడల్ సామర్థ్యాలతో కూడిన ఏఐ ఏజెంట్లు గెలాక్సీ ఎస్ 25 సహజంగా అనిపించే పరస్పర చర్యల కోసం టెక్స్ట్, ప్రసంగం, చిత్రాలు, వీడియోలను అర్థం చేసుకోవడానికి వీలు కల్పిస్తాయి. గెలాక్సీ ఎస్ 25 సహజ భాషా అవగాహనలో ఒక పురోగతిని కూడా సూచిస్తుంది, ఇది రోజువారీ పరస్పర చర్యలను సులభతరం చేస్తుంది.

కమ్యూనికేషన్, ఉత్పాదకత, సృజనాత్మకత - గూగుల్ యొక్క సర్కిల్ టు సెర్చ్, కాల్ ట్రాన్స్‌క్రిప్ట్, రైటింగ్ అసిస్ట్, డ్రాయింగ్ అసిస్ట్ - కోసం గెలాక్సీ ఏఐ  యొక్క ప్రసిద్ధ సాధనాలకు అప్‌గ్రేడ్‌ల శ్రేణిని గెలాక్సీ ఎస్ 25 సిరీస్ తెస్తుంది. గెలాక్సీ ఎస్ 25 సిరీస్‌తో, మీరు తదుపరి దశల కోసం సందర్భోచితంగా అవగాహన ఉన్న సూచనలతో చర్య తీసుకోదగిన శోధనలను కూడా చేయవచ్చు. అంతేకాకుండా, GIFని షేర్ చేయడం లేదా ఈవెంట్ వివరాలను సేవ్ చేయడం వంటి శీఘ్ర తదుపరి చర్యల కోసం యాప్‌ల మధ్య మారడాన్ని సౌకర్యవంతముగా  చేస్తుంది.

గెలాక్సీ ఎస్ 25 సిరీస్ వ్యక్తిగతీకరించిన ఏఐ ఫీచర్ల కోసం పర్సనల్ డేటా ఇంజిన్‌తో వస్తుంది. వ్యక్తిగతీకరించిన డేటాను ప్రైవేట్‌గా ఉంచుతుంది. నాక్స్ వాల్ట్ ద్వారా సురక్షితంగా ఉంచబడుతుంది. గెలాక్సీ ఎస్ 25 పోస్ట్-క్వాంటం క్రిప్టోగ్రఫీని కూడా పరిచయం చేస్తుంది, క్వాంటం కంప్యూటింగ్ అభివృద్ధి చెందుతున్నప్పుడు పెరిగే బెదిరింపుల నుండి వ్యక్తిగత డేటాను కాపాడుతుంది.