పాపా... కమాన్ పాపా... ధోనీ కూతురు జివా... సిక్సర్‌తో చెలరేగిన ధోనీ...(video)

చెన్నై సూపర్ కింగ్స్ ఆట అనగానే ఇప్పుడు స్పెషల్ అట్రాక్షన్‌గా ధోనీ కుమార్తె జివా కనబడుతోంది. మంగళవారం రాత్రి ఫిరోజ్ షా కోట్ల వేదికగా జరిగిన మ్యాచ్‌లో చెన్నై సూపర్ కింగ్స్ జట్టు ఢిల్లీ క్యాపిటల్స్‌తో తలపడింది. ఈ మ్యాచ్ చివరి వరకూ ఆద్యంతం ఉత్కంఠగా సాగింది. చివరి ఓవర్లో ఖచ్చితంగా సిక్సర్ లేదా ఫోర్ కొట్టాల్సిన పరిస్థితి. 

ఈ స్థితిలో ధోనీ స్ట్రైకింగ్ చేస్తున్నాడు. గ్యాలెరీలో వున్న ధోనీ కుమార్తె తన తండ్రిని చూస్తూ... పాపా.. కమాన్ పాపా.. అంటూ కేక వేసింది. అంతే... ధోనీ భారీ సిక్సర్ కొట్టి చెన్నై సూపర్ కింగ్స్ విజయాన్ని షురూ చేశాడు. దీనితో ఈ మ్యాచ్‌లో 6 వికెట్ల తేడాతో అలవోకగా గెలుపొందింది చెన్నై సూపర్ కింగ్స్.

తొలుత బ్యాటింగ్ చేసిన ఢిల్లీ జట్టు 6 వికెట్ల నష్టానికి 147 పరుగులు చేసింది. ఈ లక్ష్య ఛేదనలో చెన్నై సూపర్ కింగ్స్ బ్యాట్సమన్ వాట్సన్ 26 బంతుల్లో 4x4, 3x6 కొట్టి 44 పరుగులు చేశాడు. ఆ తర్వాత మహేంద్రసింగ్ ధోని 35 బంతుల్లో 2x4, 1x6 కొట్టి 32 పరుగులతో నాటవుట్‌గా నిలిచి బాధ్యతాయుత ఇన్నింగ్స్ ఆడాడు. దీనితో మరో 2 బంతులు మిగిలి ఉండగానే చెన్నై సూపర్ కింగ్స్ 4 వికెట్లు కోల్పోయి 150 పరుగులతో విజయం సాధించింది.