ప్రపంచ ప్రఖ్యాత ఫిల్మ్ మేకర్ దర్శకుడు స్టీవెన్ స్పీల్ బర్గ్ కుమార్తె మికేలా (23) సంచలన నిర్ణయం తీసుకుంది. నీలి (పోర్న్) చిత్రాల్లో నటించాలని నిర్ణయించుకుంది. 'ది సన్' అనే సంస్థకు ఇచ్చిన ప్రత్యేక ఇంటర్వ్యూలో ఈ విషయాన్ని ఆమె స్వయంగా వెల్లడించింది. పైగా, తన సొంత నిర్మాణ సంస్థలో కూడా ఈ తరహా చిత్రాలు నటించి, నిర్మిస్తానని ప్రకటించింది.
మరోవైపు పోర్న్ స్టార్ కావాలనుకుంటున్న తమ కుమార్తె నిర్ణయాన్ని స్పీల్ బర్గ్ దంపతులు స్వాగతించారని 'ది సన్' తెలిపింది. తన తల్లిదండ్రుల గురించి మికేలా మాట్లాడుతూ, తన సేఫ్టీనే వారికి చాలా ముఖ్యమని తెలిపింది. తాను ఎంచుకున్న వృత్తి పట్ల వారు అప్సెట్ కాలేదని చెప్పింది. కాగా, కాగా, మికేలాను 1996లో స్పీల్ బర్గ్ దంపతులు దత్తత తీసుకున్నారు.
మరోవైపు, మికేలా నిర్ణయంపై టాలీవుడ్ దర్శకుడు రాంగోపాల్ వర్మ స్పందించారు. ఆమె తీసుకున్న నిర్ణయం, దీనిపై ఆమె తల్లిదండ్రుల స్పందన పట్ల దర్శకుడు రామ్ గోపాల్‌ వర్మ హర్షం వ్యక్తం చేశారు. 'అమెరిక‌న్ డైరెక్ట‌ర్ స్టీవెన్ స్పీల్‌బ‌ర్గ్ కూతురు పోర్న్ కెరీర్‌ని ఎంచుకుంది. దీనికి ఆయన మద్దతు తెలిపారు. మికేలా నిర్ణయాన్ని స్పీల్‌బ‌ర్గ్ ఎంత‌గానో స‌మ‌ర్థించారు. ప్ర‌పంచం క్రమంగా అభివృద్ధి చెందుతోంది' అంటూ వ్యాఖ్యానించారు.