వరల్డ్ ఫేమస్ లవర్‌తో అంతగా ప్రేక్షకులను మెప్పించలేకపోయిన విజయ్ దేవరకొండ ప్రస్తుతం ఫైటర్ సినిమా షూటింగ్‌లో బిజీగా వున్నాడు. ఫైటర్ పైనే విజయ్ తన ఆశలన్నీ పెట్టుకున్నాడు. ఈ చిత్రాన్ని తెలుగులో పాటు హిందీలో నిర్మిస్తున్నారు. ఈ చిత్రాన్ని బాలీవుడ్‌లో ప్రముఖ నిర్మాత కరణ్ జోహార్ ప్రొడ్యూస్ చేస్తున్నాడు. దీంతో విజయ్ దేవరకొండ ఫైటర్ సినిమాతో బాలీవుడ్ తెరంగేట్రం చేయనున్నాడు.
ఈ చిత్రంలో విజయ్ దేవరకొండ సరసన జాన్వీ కపూర్‌ను తీసుకోవాలనుకున్నారు. కానీ ఫైనల్‌గా మాత్రం ఈ సినిమాలో స్టూడెంట్ ఆఫ్ ది ఇయర్ 2 చిత్రంతో పరిచయమైన అనన్య పాండేను కథానాయికగా తీసుకున్నారు.
ఈ విషయాన్ని చిత్ర యూనిట్ ధ్రువీకరిస్తూ.. విజయ్ దేవరకొండతో పాటు పూరీ జగన్నాథ్, ఛార్మిలతో కలిసి ఉన్న అనన్యా పాండే ఫోటోను సోషల్ మీడియాలో షేర్ చేశారు. ప్రస్తుతం ఈ ఫోటో నెట్టింట వైరల్ అవుతోంది. ఈ సినిమా అయినా విజయ్ దేవరకొండకు హిట్‌ ఇవ్వాలని సినీ ప్రేక్షకులు భావిస్తున్నారు.