పాకిస్తాన్ మాజీ అధ్యక్షుడు జనరల్పర్వేజ్ ముషరఫ్ ఆరోగ్యం విషమంగా ఉందని ఆయన కుటుంబ సభ్యులు శుక్రవారం వెల్లడించారు. ముషరఫ్ చనిపోయినట్లు కొన్ని మీడియా సంస్థలు వార్తలు ప్రచురించాయి. దీంతో ట్విటర్ వేదికగా ఆయన కుటుంబ సభ్యులు స్పందించారు.
‘‘ఆయన వెంటిలేటర్‌పై లేరు. అయితే, గత మూడు వారాల నుంచి ఆయన ఆసుపత్రిలోనే ఉన్నారు. ప్రస్తుతం ఆయన ఆరోగ్యం విషమంగా ఉంది. ఆయన కోలుకోవడం లేదు. కొన్ని అవయవాలు స్పందించడం లేదు. ఆయన ఆరోగ్యం మెరుగుపడాలని దేవున్ని ప్రార్థించండి’’ అని ఆయన కుటుంబం వెల్లడించింది.