వీధిలో గిటారుతో పాటలు పాడే వ్యక్తి వీధి పిల్లుల్ని కూడా కట్టిపడేశాడు. అతను పాడే పాటను నాలుగు పిల్లలు ఆయన ముందు కూర్చుని మరీ ఆస్వాదించాయి. ఈ ఘటనకు సంబంధించిన వీడియో ప్రస్తుతం నెట్టింట వైరల్ అవుతోంది. వివరాల్లోకి వెళితే.. మలేషియాలో స్ట్రీట్ సింగర్ ఒకరు ప్రతిరోజూ వీధిలో వెళ్లే ప్రజల కోసం చేతిలో గిటారు పెట్టుకుని పాడేవాడు.
మంచి గాయకుడైనప్పటికీ.. ఈ స్ట్రీట్ సింగర్‌కు తగిన గుర్తింపు లభించలేదు. ఈ నేపథ్యంలో రాత్రి పూట ఓ బజారు ప్రాంతంలో గిటారు పట్టుకుని వాయిస్తూ పాడిన ఆ సింగర్ ముందు మూడు పిల్లులు కూర్చుని.. సంగీతాన్ని ఆస్వాదించాయి.
దీన్ని చూసిన ప్రజలంతా షాక్ అయ్యారు. పిల్లులు అలా సంగీతాన్ని ఆస్వాదించడాన్ని వీడియో తీసి మరీ సోషల్ మీడియాలో పోస్టు చేశారు. ఈ వీడియో ప్రస్తుతం నెట్టింట వైరల్ అవుతోంది. ఈ వీడియోను మీరూ ఓ లుక్కేయండి.