విజయ్ కొత్త వ్యాపారం.. ప్రభాస్, మహేశ్ బాటలో..

అర్జున్ రెడ్డి సినిమాతో మంచి గుర్తింపు, యూత్ ఫాలోయింగ్ తెచ్చుకున్న సెన్సేషనల్‌ హీరో విజయ్‌ దేవరకొండ అప్పటి నుండి మంచి జోరు కొనసాగిస్తున్నాడు. చేతినిండా సినిమాలతో ఫుల్‌ బిజీగా ఉన్న విజయ్‌ వ్యాపార రంగంలోనూ తనదైన శైలిలో దూసుకుపోతున్నాడు. 

తన అభిమానులను ముద్దుగా రౌడీస్‌ అంటూ పిలిచే విజయ్‌ దేవరకొండ అదే పేరుతో బ్రాండ్‌ను సృష్టించి ఆన్‌లైన్‌లో రెడీమేడ్‌ డ్రెసెస్‌ విక్రయిస్తున్నాడు. వ్యాపార రంగంలోనూ సక్సెస్‌ సాధించిన విజయ్ కొత్త రంగంలోకి అడుగుపెట్టడానికి సిద్ధమవుతున్నట్లు సమాచారం. 

సూపర్‌ స్టార్‌ మహేష్‌ బాబు ఏఎంబీ సినిమాస్ పేరుతో హైదరాబాద్‌లో మల్టీప్లెక్స్‌ను స్టార్ట్ చేయగా ప్రభాస్‌ సూళ్లురుపేటలో వీ ఎపిక్‌ పేరుతో ఓ మల్టీప్లెక్స్‌ను నిర్మించాడు. ఇప్పుడు రౌడీ బాయ్ కూడా అదే బాటలో మల్టీప్లెక్స్ బిజినెస్ ప్రారంభించనున్నారు. 

ప్రముఖ డిస్ట్రిబ్యూషన్‌ సంస్థ ఏసియన్‌ గ్రూప్‌తో కలిసి మహబూబ్‌నగర్‌లో ఓ మల్టీప్లెక్స్‌ను నిర్మించనున్నాడు. ప్రస్తుతం ఏవీడీ పేరుతో ఈ మల్టిప్లెక్స్‌ నిర్మాణం జరుగుతున్నట్టుగా తెలుస్తోంది.