విజయ్ దేవరకొండ ఏం చేసినా యూత్ ఫాలోయింగ్ ఎక్కువ. సినిమాలు చేస్తూనే వ్యాపార ప్ర‌క‌ట‌న‌ల్లోనూ పాల్గొంటున్నాడు. అర్జున్ రెడ్డితో ఒక్క‌సారిగా యావ‌త్ భార‌త చ‌ల‌న చిత్ర‌రంగం దృష్టిని ఆక‌ర్షించాడు. ఆ తర్వాత సినిమాలు ఆయ‌న‌కు మ‌రింత క్రేజ్ తెచ్చాయి. దాంతో ప‌లు యాడ్స్‌లు ఆయ‌న‌ముందుంటున్నాయి. ఇప్పుడు లైగ‌ర్ సినిమా ఏకంగా బాలీవుడ్‌లో తెర‌కెక్కిస్తున్నారు. క‌రణ్ జోహార్ లాంటి నిర్మాతతో త్వరలో సినిమా చేయనున్నాడు. ఇక విజయ్ సినిమాలతో మాత్రమే కాకుండా ఎండార్స్‌మెంట్స్‌తో కూడా దూసుకుపోతున్నాడు. ఇప్ప‌టివ‌ర‌కు రౌడీ స్టార్ గా పిలువ‌బ‌డే ఆయ‌న తాజాగా సోషల్ మీడియాలో పేరు మ‌ర్చుకున్నాడు.
కార‌ణం, హేష్ బాబు తర్వాత థ‌మ్స్ అప్ యాడ్‌లో ఆయ‌న క‌నిపించ‌నున్నారు. దీనికి సంబంధించిన షూట్ కూడా జ‌రిగింది. కొత్తగా ఈ ప్రకటనను బాలీవుడ్ హీరో రణ్‌వీర్ సింగ్, మహేష్ బాబుపై చిత్రీకరించారు. ఇది ఇప్పటికే టీవీల్లో ప్రసారమవుతోంది. అయితే తాజాగా ఈ ప్రకటనలో మహేష్ బాబు బదులుగా విజయ్ దేవరకొండ కనిపించబోతున్నాడు. దీనికోసం విజయ్ ఏకంగా తన సోషల్ మీడియా హ్యాండిల్ పేరును కూడా మార్చుకున్నాడు. “విజయ్ దేవరకొండ తుఫాన్”గా ట్విట్టర్ లో పేరు చేంజ్ చేసుకున్నాడు. ఇది సాఫ్ట్ డ్రింక్ కాదు ఇది తూఫాన్ అంటూ టాగ్‌లైన్ యాడ్‌కు వుంది.