పాన్ ఇండియా లెవెల్లో టాప్ హీరోల జాబితాలో సౌత్ స్టార్ల హవా కొనసాగింది. భారతీయ సినిమా రంగంలో దక్షిణాది తారల క్రేజ్ రోజు రోజుకీ పెరిగిపోతోంది. ఏ భాషలో విడుదలైనా మంచి కంటెంట్ వున్న సినిమాలకు ప్రేక్షకులు ఓటీటీ ద్వారా బ్రహ్మరథం పడుతున్నారు.
జనాలకు ఓటీటీలు అందుబాటులోకి రావడంతో... అన్ని భాషా చిత్రాలను వీక్షించడానికి అలవాటు పడ్డారు. ఈ క్రమంలో దక్షిణాది సినిమాలు పాన్ ఇండియా లెవెల్లో ఉత్తరాదిన కూడా ఊపేస్తున్నాయి. బాలీవుడ్ సైతం విస్తుపోయేలా బాక్సాఫీస్‌ను షేక్ చేస్తున్నాయి.
మరోవైపు, ప్రముఖ రేటింగ్స్ సంస్థ 'ఓర్ మ్యాక్స్' దేశంలో మోస్ట్ పాప్యులర్ మేల్ స్టార్ సర్వేను నిర్వహించింది. ఈ జాబితాలో టాప్ టెన్ లో జాబితా మొత్తాన్ని దక్షిణాది స్టార్లే సొంతం చేసుకున్నారు. బాలీవుడ్‌కు కేవలం ఒక్క స్థానం మాత్రమే దక్కింది.
టాప్ వన్ స్థానంలో తమిళ స్టార్ విజయ్ నిలిచారు. రెండో స్థానంలో ప్రభాస్, మూడో స్థానంలో జూనియర్ ఎన్టీఆర్, నాలుగో స్థానంలో అల్లు అర్జున్ ఉన్నారు. ఐదో స్థానాన్ని కన్నడ స్టార్ యశ్ ఆక్రమించారు.
బాలీవుడ్‌కు ఆరో స్థానం దక్కడం గమనార్హం. ఆరో స్థానంలో బాలీవుడ్ అగ్ర నటుడు అక్షయ్ కుమార్ నిలిచారు. ఆ తర్వాతి స్థానాల్లో రామ్ చరణ్, మహేశ్ బాబు, సూర్య, అజిత్ ఉన్నారు.