Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia
Advertiesment

భావోద్వేగాలతో ముడిపడిన అంశం : 'ఎన్టీఆర్' పేరు మార్పుపై కళ్యాణ్ రామ్

Nandamuri Kalyanram
గురువారం, 22 సెప్టెంబరు 2022 (19:58 IST)
కేవలం రాజకీయ లాభం కోసం అనేక మంది భావోద్వేగాలతో ముడిపడివున్న ఈ అంశాన్ని వాడుకోవడం తప్పు అని సినీ హీరో, ఎన్టీఆర్ మనవడు నందమూరి కళ్యాణ్ రామ్ అన్నారు. 
 
విజయవాడలోని ఎన్టీఆర్ హెల్త్ యూనివర్శిటీ పేరును డాక్టర్ వైఎస్ఆర్ హెల్త్ యూనివర్శిటీగా పేరు మార్చుతూ సీఎం జగన్ ప్రభుత్వం అసెంబ్లీలో ఓ బిల్లును ప్రవేశపెట్టి ఆమోదించింది. ఈ నిర్ణయాన్ని అనేక మంది తీవ్రంగా తప్పుబడుతున్నారు. 
 
ఈ పేరు మార్పుపై ఇప్పటికే  హీరో జూనియర్ ఎన్టీఆర్ తప్పుబట్టారు. పేరు మార్చినంత మాత్రాన గౌరవం, స్థాయి పెరగదంటూ సుతిమెత్తగా చురకలు అంటించారు. 
 
ఇపుడు ఆయన అన్న నందమూరి కళ్యాణ్ రామ్ స్పందించారు. 1986లో ఈ వైద్య కాలేజీని స్థాపించారన్నారు. ఏపీలోని మూడు ప్రాంతాల విద్యార్థులకు నాణ్యమైన వైద్య విద్యను అందుబాటులోకి తీసుకుని రావాలన్న ఏకైక లక్ష్యంతో ఎన్టీఆర్ ఈ మహా విద్యాలయానికి అంకురార్పణ చేశారన్నారు. 
 
ఈ వైద్య ఆరోగ్య విశ్వవిద్యాలయం దేశంలోనే అత్యుత్తమంగా అభివృద్ధి చెంది లెక్కనేంత మంది వైద్య నిపుణులను దేశానికి అందించిందని చెప్పారు. తెలుగు రాష్ట్రాల్లో వైద్య అధ్యయనాలు మెరుగుదలకు ఆయన చేసిన కృషిని స్మరించుకునేందుకు ఈ విశ్వవిద్యాలయానికి డాక్టర్ ఎన్టీఆర్ యూనివర్సిటీ ఆఫ్ హెల్త్ సైన్సెస్ అని పేరు పెట్టారని గుర్తుచేశారు. 
 
ఆ తర్వాత రాష్ట్రంలో ఏ రాజకీయా పార్టీ అధికారంలో ఉన్నప్పటికీ గత 25 యేళ్లకు పైగా ఉనికిలో ఉన్న ప్రతిష్టాత్మక విశ్వవిద్యాలయం పేరు మార్చలేదన్నారు. కానీ, ఇపుడు ఏవో రాజకీయ స్వలాభాల కోసం అనేక మంది భావోద్వేగాలతో ముడిపడివున్న ఈ అంశాన్ని వాడుకోవడం తప్పు అని ఆయన అన్నారు. 

Share this Story:

Follow Webdunia telugu

తర్వాతి కథనం

శ్రీకాకుళం జిల్లాలో వ్యభిచార గుట్టు రట్టు