హీరోయిన్ సమంతకు గుడి.. ఎక్కడో తెలుసా?

హీరోయిన్ సమంతకు ఓ అభిమాని గుడి కట్టారు. ఆమెపై తమకున్న అభిమానాన్ని చాటుకునేందుకు ఒక వీరాభిమాని ఈ గుడి నిర్మాణం చేపట్టారు.  ఆంధ్రప్రదేశ్ రాష్ట్రంలోని బాపట్ల జిల్లా చుండూరు మండలం అలపాడుకు చెందిన తెనాలి సందీప్‌ అనే యువకుడు... నటి సమంతకు వీరాభిమాని. ఆమె నటనతో పాటు పలు సేవా కార్యక్రమాలకు, ముఖ్యంగా ప్రత్యూష ఫౌండేషన్ ద్వారా చిన్నారులకు గుండె ఆపరేషన్లు చేయించడంలో సమంత చూపిన చొరవకు ఆకర్షితుడైయ్యాడు. 

ముఖ్యంగా, అనారోగ్యం పాలైన చిన్న పిల్లలకు పునర్జన్మ ప్రసాదిస్తున్న ఆమెపై అభిమానం రెట్టింపవ్వడంతో గుడి కట్టాలని నిర్ణయించుకున్నాడు. తన ఇంటి ప్రాంగణంలోనే ఆలయ కోసం స్థలం కేటాయించి విగ్రహాన్ని కూడా తయారు చేయించాడు. ప్రస్తుతం విగ్రహానికి, గుడికి తుది మెరుగులు దిద్దే పనులు జరుగుతున్నాయి. ఈ నెల 28వ తేదీన ఆలయం ప్రారంభిస్తున్నట్లు సందీప్ తెలిపారు. సమంతను తాను నేరుగా చూడలేదని కేవలం ఆమెపై ఉన్న అభిమానంతోనే చూస్తున్నట్టు చెప్పారు.