Webdunia - Bharat's app for daily news and videos

Install App

మెగాస్టార్ సైరా ట్రైల‌ర్ టాక్ ఏంటి..? (video)

Webdunia
గురువారం, 19 సెప్టెంబరు 2019 (10:33 IST)
మెగాస్టార్ చిరంజీవి లేటెస్ట్ సెన్సేష‌న్ సైరా న‌ర‌సింహారెడ్డి. స్టైలీష్ డైరెక్ట‌ర్ సురేందర్ రెడ్డి దర్శకత్వంలో రూపొందుతోన్న ఈ సంచ‌ల‌న చిత్రం పోస్ట్ ప్రొడ‌క్ష‌న్ వ‌ర్క్ జ‌రుపుకుంటోంది. మెగాస్టార్ తనయుడు మెగా ప‌వ‌ర్ స్టార్ రామ్ చరణ్ తన కొణిదెల ప్రొడక్షన్ కంపెనీ బ్యానర్‌పై అత్యంత ప్ర‌తిష్టాత్మ‌కంగా ఈ సినిమాని నిర్మిస్తున్నారు. ఈ సినిమా ఫస్ట్‌లుక్ టీజర్ ఇప్పటికే యూట్యూబ్‌లో రిలీజ్ అయి మంచి సక్సెస్ సాధించింది.
 
ఇక ఈ సినిమా థియేట్రికల్ ట్రైలర్‌ని రిలీజ్ చేసారు సినిమా యూనిట్. నరసింహారెడ్డి సామాన్యుడు కాడు, అతను కరణ జన్ముడు. అతనొక యోగి, యోధుడు అతన్ని ఎవరూ ఆపలేరు అంటూ బ్యాక్ గ్రౌండ్లో వచ్చే డైలాగ్‌తో ఈ ట్రైలర్ ప్రారంభం అవుతుంది. ఈ భూమి మీద పుట్టింది మేము, ఈ మట్టిలో కలిసేది మేము, నీకెందుకు కాట్టాలిరా శిస్తు... అంటూ మెగాస్టార్ పలికే డైలాగ్ స్ప్హూర్తి రగిలిస్తుంది. 
 
ఇక స్వతంత్రం కోసం జరుగుతున్న ఈ తొలి యుద్ధంలో నువ్వు గెలవాలి... అంటూ అమితాబ్, అలానే నీ గెలుపుని కళ్లారా చూడాలని వచ్చాను సైరా నరసింహారెడ్డి అంటూ సుదీప్, వీరత్వానికి పేరైన తమిళ భూమి నుండి వచ్చాము, రాముడికి లక్ష్మణుడి మాదిరి ఎప్పుడూ ఉంటాము, అది విజయమో వీర స్వర్గమో అంటూ విజయ్ సేతుపతి పలికే డైలాగ్స్ తో స్వాతంత్య్ర తొలి పోరాటంలో నరసింహా రెడ్డి అనుచరులెవరో పరిచయం చేశారు. 
 
ఇక ట్రైలర్‌లో చివరిలో నీ చివరి కోరిక ఏదైనా ఉందా అని బ్రిటిషర్లు అడగగా, గెట్ ఔట్ ఫ్రమ్ మై మదర్ ల్యాండ్ అంటూ మెగాస్టార్ పవర్ ఫుల్ డైలాగ్ తో అదరగొట్టారు. డైలాగ్స్ తో పాటు అత్యద్భుతమైన విజువల్స్, యాక్షన్ సీన్స్, ఫైట్స్ తో మొత్తంగా ఈ ట్రైలర్ సినిమా మీదున్న అంచనాలని మరింత పెంచేసింది. 
 
మెగాస్టార్ సరసన నయనతార హీరోయిన్‌గా నటించిన‌ ఈ సినిమా ప్రీ రిలీజ్ వేడుక ఈనెల 22 న హైదరాబాద్ లోని లాల్ బహదూర్ స్టేడియంలో గ్రాండ్‌గా జరగనుండగా, సినిమాను అక్టోబర్ 2న వరల్డ్ వైడ్‌గా అత్యధిక థియేటర్స్‌లో రిలీజ్ చేయనున్నారు. మ‌రి... ట్రైల‌ర్ సెన్సేష‌న్ క్రియేట్ చేసింది.. సినిమా ఎంత‌టి సంచ‌ల‌నం సృష్టిస్తుందో చూడాలి.
 

సంబంధిత వార్తలు

అన్నీ చూడండి

తాజా వార్తలు

మయన్మార్‌లో భారీ భూకంపం.. పెరుగుతున్న మృతుల సంఖ్య

ఎన్‌కౌంటర్‌ నుంచి తప్పించుకున్నా... ఇది పునర్జన్మ : మంత్రి సీతక్క (Video)

గన్నవరం టీడీపీ ఆఫీసుపై దాడి కేసు : వల్లభనేని వంశీకి మళ్లీ నిరాశ

ఉద్యోగం కోసం కీచులాటల్లో భార్యను హత్య చేసాడా? భార్యాభర్తల కాల్ డేటా చూస్తున్నారా?

త్రిభాషా విద్యా విధానం వద్దు.. ద్విభాషే ముద్దు... వక్ఫ్ బిల్లు రద్దు చేయాలి : విజయ్

అన్నీ చూడండి

ఆరోగ్యం ఇంకా...

లోబీపి లక్షణాలు, సమస్యలు ఏంటి?

మధుమేహ వ్యాధిగ్రస్తులు పుచ్చకాయ తినవచ్చా?

రోజుకు ఒక గుప్పెడు కాలిఫోర్నియా బాదం పప్పులు తినండి

ఆలివ్ ఆయిల్ ప్రయోజనాలు

రోగనిరోధక శక్తిని పెంచుకోవడానికి మీ ఆహారంలో తప్పనిసరిగా చేర్చుకోవాల్సిన ఆహారాలు

తర్వాతి కథనం
Show comments