టాలీవుడ్‌లో క్యాస్టింగ్ కౌచ్ సమస్యపై గళమెత్తిన శ్రీరెడ్డి గురించి ప్రత్యేకంగా చెప్పనక్కర్లేదు. తాజాగా ఆమె వైకాపా చీఫ్ జగన్మోహన్ రెడ్డికి సపోర్ట్ చేస్తూ పోస్టు పెట్టింది. ఈ పోస్టు నెట్టింట వైరల్ అవుతోంది.
ఈ మధ్య జనసేన అధినేత పవన్ కళ్యాణ్ సోదరుడు నాగబాబుపై కూడా ఓ రేంజ్‌లో ఫైర్ అయ్యింది ఈ బ్యూటీ. తాజాగా ఆమె వైసీపీలోకి ఎంట్రీ ఇస్తుందన్న వార్తొకటి హల్ చల్ చేస్తోంది. ఆల్రెడీ నటి, ఎమ్మెల్యే, జబర్దస్త్ జడ్జిగా వ్యవహరిస్తున్న రోజా... వైసీపీలో ఫైర్ బ్రాండ్‌గా గుర్తింపు తెచ్చుకున్నారు. ప్రస్తుతం శ్రీరెడ్డి కూడా ఆ పార్టీలో చేరితే ఆ పార్టీకి మరో ఫైర్ బ్రాండ్ అవుతుందని టాక్ వస్తోంది.
ఇందులో భాగంగా జగన్మోహన్ రెడ్డికి శ్రీరెడ్డి ఫుల్ సపోర్ట్ ఇచ్చింది. అందుకు సాక్ష్యంగా... తన చేతిపై జగన్ అనే పేరును గోరింటాకుతో వేయించుకుంది. తద్వారా వైసీపీలోకి త్వరలో ఎంట్రీ ఇవ్వబోతున్నట్లు పరోక్ష సంకేతాలు ఇచ్చిందంటున్నారు రాజకీయ విశ్లేషకులు.
ఇప్పటికే ఫేస్‌బుక్‌లో 60 లక్షల మందికి పైగా ఫాలోయర్లను సంపాదించుకున్న శ్రీ రెడ్డి రాజకీయాల్లోకి వెళ్తే కచ్చితంగా సెన్సేషనే అవుతుందని వారు అభిప్రాయం వ్యక్తం చేస్తున్నారు.