తెలుగు చిత్ర పరిశ్రమలోని అగ్ర నిర్మాతల ఫ్యామిలీల్లో ఒకటైన దగ్గుబాటి కుటుంబంలో త్వరలోనే ఓ పెళ్లి వేడుక జరుగనుంది. అది ఎవరిదో కాదు.. టాలీవుడ్ హీరో కమ్ విలన్‌గా అద్భుతంగా రాణిస్తున్న రానా దగ్గుబాటిది. ఈయన మిహీకా బజాజ్ అనే డిజైనర్‌తో ప్రేమలోపడ్డారు. ఈ విషయాన్ని ఆయన స్వయంగా ఇటీవల వెల్లడించారు. ఈ ఆశ్చర్యకరమైన విషయాన్ని మరిచిపోకముందే.. దగ్గుబాటి ఇంట మరో వేడుక జరిగింది. అదే రోకా వేడుక.
అంటే, రానా - మిహీక పెళ్లి సందడిలో భాగంగా, దగ్గుబాటి కుటుంబానికి చెందిన రామానాయుడు స్టూడియోలో బుధవారం సాయంత్రం ఈ రోకా వేడుకని నిర్వ‌హించారు. అంటే పెద్ద‌లు స్వీట్లు, గిఫ్ట్స్‌ ఇచ్చి పుచ్చుకొని పెళ్లి ముహూర్తాన్ని ఫిక్స్ చేశారు. ఈ కార్య‌క్రమంలో ఇరు కుటుంబ పెద్ద‌లు నిశ్చయ తాంబూలాలు కూడా మార్చుకున్నారు.
ఈ వేడుకలో హీరో వెంక‌టేష్ కుటుంబ సభ్యులు, అక్కినేని నాగచైతన్య కుటుంబాలు ప్రత్యేక ఆకర్షణగా నిలిచాయి. దగ్గుబాటి ఫ్యామిలీతో పాటు బజాజ్ ఫ్యామిలీ క‌లిసి దిగిన గ్రూప్ ఫోటోని రానా దగ్గుబాటి స్వయంగా తన ట్విట్టర్ ఖాతాలో సోషల్ మీడియాలో షేర్ చేశారు. కాగా, డిసెంబరు నెలలో రానా - మిహీకాల వివాహం జరుగనున్నట్టు ఫిల్మ్ నగర్ వర్గాల సమాచారం.