టాలీవుడ్‌ స్టార్‌ హీరోయన్‌ సమంత, స్టార్‌ నయనతార కీలక పాత్రలలో నటిస్తున్న తమిళ సినిమా కాతువాకుల రెండు కాదల్‌. ఇందులో తమిళ స్టార్‌ హీరో విజయ్‌ సేతుపతి కథానాయకుడు. నయన్‌ ప్రియుడు విఘ్నేశ్‌ శివన్‌ దర్శకత్వం వహిస్తున్న ఈ సినిమా షూటింగ్‌ దాదాపు చివరి దశకు చేరుకుంది. అయితే ఈ సినిమాలో ఒకప్పటి టిమిండియా ఆటగాడు కీలక రోల్‌ పోషిస్తున్నట్లు తాజాగా సినిమా యూనిట్ ప్రకటించింది.
టిమిండియా బౌలర్‌, నటుడు శ్రీశాంత్‌ ఈ చిత్రంలో నటిస్తున్నట్లు ప్రకటించింది. ఈ సినిమా నుంచి ఆయన ఫస్ట్‌లుక్‌ను కూడా విడుదల చేశారు. ఈ సినిమాలో శ్రీశాంత్‌ మహ్మద్‌ మోబీ అనే పాత్రలో కనిపించనున్నాడు. మరో ఆసక్తికర సమాచారం ఏమిటంటే ఈ సినిమాలో శ్రీశాంత్‌, సమంత సరసన పలు సీన్స్ కూడా ఉంటాయని అంటున్నారు. ఇక ఇప్పటికే శ్రీశాంత్‌ ఓ సినిమాతో హీరోగా పరిచయమవగా ఆ సినిమా ఆశించిన స్థాయిలో గుర్తింపు పొందలేదు.