నాగశౌర్య హీరోగా సంతోష్‌ జాగర్లపూడి దర్శకత్వంలో ప్రాచీన విలువిద్య నేప‌థ్యంలో రూపొందుతోన్న నాగశౌర్య 20వ చిత్రం ‘ల‌క్ష్య’. ఈ మూవీలో ఇంత‌కు ముందెన్న‌డూ చూడ‌ని స‌రికొత్త‌లుక్‌లో క‌నిపించనున్నారు నాగశౌర్య.
ఈ చిత్రంలోని కీలకమైన క్లైమాక్స్ సీక్వెన్స్ ను ప్రస్తుతం హైదరాబాద్‌లో చిత్రీకరిస్తున్నారు. నాగశౌర్యతో పాటు, జగపతి బాబు ఇత‌ర‌నటులు ఈ షూట్ లో పాల్గొంటున్నారు. ప్రేక్ష‌కుల మనసు గెలుచుకునే విధంగా ఈ క్లైమాక్స్ ఎపిసోడ్‌ని లావీష్‌గా తెర‌కెక్కిస్తున్నారు మేక‌ర్స్‌.
ఈ సంద‌ర్భంగా విడుద‌ల‌చేసిన మేకింగ్ వీడియోలో నాగశౌర్య త‌న లక్ష్యాన్నిఛేదించ‌డానికి సిద్ద‌మ‌వడం మనం చూడొచ్చు. నిజానికి విలువిద్య‌కు తీక్షణమైన దృష్టి, క్రమశిక్షణ మరియు అగ్రశ్రేణి ఏకాగ్రత అవసరం.
నాగశౌర్య బ‌ర్త్‌డే సంద‌ర్భంగా రిలీజైన టీజ‌ర్‌కి ట్రెమండ‌స్ రెస్పాన్స్ రావ‌డంతో ఈ సినిమా ఇత‌ర ప్ర‌మోష‌న‌ల్ కంటెంట్‌మీద అంఛ‌నాలు పెరిగాయి.