మంజుమ్మెల్ బాయ్స్‌ ఆల్ టైమ్ రికార్డు.. చిన్న సినిమానే కానీ..?

Manjummel Boys

కేరళ మూవీ మంజుమ్మెల్ బాయ్స్‌ విడుద‌లైన తొలి రోజు నుంచి సంచ‌ల‌న వ‌సూళ్లు సాధిస్తూ అనేక రికార్డుల‌ను బ‌ద్ద‌లు కొడుతోంది. కొన్నేళ్ల కిందట కేరళ నుంచి కొందరు యువకుల బృందం.. కోడైకెనాల్‌ ట్రిప్ వేసింది. 

అప్పుడు ఆ గ్రూప్‌లోని ఒకరు గుహలో చిక్కుకుపోయాడు. అతణ్ని అక్కడి నుంచి బయటికి తేవడానికి మిత్ర బృందం ఏం చేసిందనే కథాంశంతో ఈ చిత్రం తెరకెక్కింది. ఆద్యంతం ఉత్కంఠ రేకెత్తించేలా సినిమాను తీర్చిదిద్దడంతో ప్రేక్షకులకు మాంచి థ్రిల్ ఇస్తోంది. 

చిన్న సినిమా అయినా ఆల్ టైమ్ రికార్డును తన ఖాతాలో వేసుకుంది. ఇప్పుడు మ‌ల‌యాళంలో ఇండ‌స్ట్రీ హిట్‌గా నిలిచింది. గ‌త ఏడాది వేస‌విలో విడుద‌లై రూ.180 కోట్ల వ‌సూళ్ల‌తో మ‌ల‌యాళంలో ఆల్ టైం బ్లాక్‌బ‌స్ట‌ర్‌గా నిలిచిన 2018 సినిమాను మంజుమ్మెల్ బాయ్స్ అధిగ‌మించింది. 

వ‌ర‌ల్డ్ వైడ్ ఈ సినిమా వ‌సూళ్లు రూ.190 కోట్ల‌కు చేరువ‌గా ఉన్నాయి. త్వ‌ర‌లోనే 200 కోట్ల మార్కును కూడా దాటేయ‌బోతోందీ చిత్రం. త‌మిళ‌నాట అత్య‌ధిక వ‌సూళ్లు సాధించిన మ‌ల‌యాళ చిత్రంగా ఈ సినిమా రికార్డు నెల‌కొల్పింది.