ఎప్పుడూ ఏదో చర్చల్లో వుండాలనుకునే రామ్‌గోపాల్‌ వర్మ తాజాగా మరో చర్చకు తావిచ్చారు. తను తీసిన పొలిటికల్ సినిమాలు డిజాస్టర్ కావడంతో అవేవీ పట్టించుకోకుండా మరో సినిమాను తుదిమెరుగులు దిద్దారు. ఈసారి ఆడవారి శారీపై సినిమా చేస్తున్నట్లు ప్రకటించారు. అందుకు నా ఆరాధ్య దేవితో నూతన చిత్రం ‘శారీ’ అంటూ సోషల్ మీడియాలో చర్చకు తావిచ్చారు.
ఎవరిని పట్టించుకోకుండా తన పని తాను చేసుకుపోయే రామ్‌గోపాల్‌ వర్మ టాలెంట్‌ని వెతికి పట్టుకోవటంలో దిట్ట అనే సంగతి అందరికి తెలిసిందే. అందుకు ఉదాహరణ ఆయన ఎంతోమంది టాలెంట్‌ ఉన్న నటీనటులను భారతదేశానికి అందించారు. స్త్రీ అంటే నాకు విపరీతమైన అభిమానం అని చెప్పే ఆర్జీవి ఆడవాళ్లు కట్టుకునే ‘శారీ’ని తన కొత్త సినిమా టైటిల్‌గా పెట్టి మరో అమ్మాయిని చిత్ర పరిశ్రమకు పరిచయం చేస్తున్నారు.
‘శారీ’ సినిమా ఒక సైకలాజికల్‌ థ్రిల్లర్‌. యాధృశ్చికంగా ఒక ఇన్‌స్టా రీల్‌లో చూసి కేరళ అమ్మాయిని ‘శారీ’ కి సెలెక్ట్‌ చేసి సిల్వర్‌ స్క్రీన్‌కి పరిచయం చేస్తున్నారు. ఆ శారీ భామ పేరు ‘ఆరాధ్యదేవి’. ఆమె ఫస్ట్‌లుక్‌ను ఆర్జీవి డెన్‌ టాలెంటెడ్‌ ఫోటోగ్రాఫర్‌ యశ్వంత్‌ క్లిక్‌ మనిపించంగా రామ్‌గోపాల్‌ వర్మ మీడియాకి తన హీరోయిన్‌ని స్వయంగా పరిచయం చేశారు.
