కరోనా వైరస్ కల్లోలంతో టాలీవుడ్ ఇండస్ట్రీ నుంచి విడుదల కావాల్సిన సినిమాలు జాప్యం అవుతున్నాయి. ఐతే సినిమా విడుదల కాకపోతే నా సత్తా ఏంటో చూడండి అంటోంది ఉప్పెన. అదెలాగా అనుకుంటున్నారా? ఇపుడు ఉప్పెన చిత్రంలోని
''నీ కన్ను నీలి సముద్రం... నా మనసేమో అందుట్లో పడవ ప్రయాణం
నీ నవ్వు ముత్యాల హారం... నన్ను తీరానికి లాగేటి దారం దారం....''
ప్రతి తెలుగు హృదయాన్ని తాకేసిందని చెప్పేయవచ్చు. ఇప్పటికే ఈ పాట యూ ట్యూబ్‌లో 5 కోట్ల వ్యూస్‌తో దూసుకుపోతంది. ఇక టిక్‌టాక్‌లో అయితే ప్రతిరోజూ వేలమంది ఈ పాట ట్యూన్‌ను బాగా వాడేస్తున్నారు. ఈ చిత్రంలోని ఈ గీతాన్ని రాసిన శ్రీమణి, దానికి బాణీ కట్టిన దేవి శ్రీ ప్రసాద్, ఆలపించిన జావెద్ అలీ చక్కగా పాటను ప్రేక్షకులకు హత్తుకునేట్లు తీర్చిదిద్దారు.
ఈ పాట ఇంతటి సంచలనం సృష్టిస్తుందంటే ఇక ఈ చిత్రం ఎన్ని రికార్డులు సృష్టిస్తుందో. పంజా వైష్ణవ్ తేజ్, విజయ్ సేతుపతి, కృతి శెట్టి ప్రధాన తారాగణంతో తెరకెక్కిన ఈ చిత్రాన్ని ఎప్పుడెప్పుడు చూద్దామా అని ప్రేక్షకులు ఎదురుచూస్తున్నారు.