నాకు ప్రేమ పుడితే.. అమ్మానాన్నలకు ధైర్యంగా చెప్పేస్తా: కీర్తి సురేష్

అలనాటి నటి సావిత్రి బయోపిక్‌ మహానటిలో అచ్చం సావిత్రిలా ఒదిగిపోయిన నటి కీర్తి సురేష్.. ప్రస్తుతం ఖుషీ ఖుషీగా వుంది. మహానటి హిట్ కావడంతో ఆ సినిమా కలెక్షన్ల వర్షం కురపిస్తున్న తరుణంలో కీర్తి సురేష్ ఆనందం

అలనాటి నటి సావిత్రి బయోపిక్‌ మహానటిలో అచ్చం సావిత్రిలా ఒదిగిపోయిన నటి కీర్తి సురేష్.. ప్రస్తుతం ఖుషీ ఖుషీగా వుంది. మహానటి హిట్ కావడంతో ఆ సినిమా కలెక్షన్ల వర్షం కురపిస్తున్న తరుణంలో కీర్తి సురేష్ ఆనందంలో మునిగి తేలుతోంది.  సినీ తారల మరో ముఖం ప్రజలకు తెలియదు. అలాంటిది మహానటి చిత్రం ద్వారా సావిత్రి గారి జీవిత చరిత్రను ప్రేక్షకులకు కళ్లకు కట్టినట్లు చూపించాడు దర్శకుడు. 

మహానటిలో తాను నటించిన తరువాత చాలా విషయాలను తెలుసుకున్నాను. దాంతో పాటు సావిత్రి నిజజీవితంలో ఎలా ఉటుందన్న నిజాన్ని మహానటి సినిమాద్వారా తెలిసిందని కీర్తి సురేష్ తెలిపింది. 

ఇక ప్రేమపెళ్లి విషయమై స్పందించిన కీర్తి తాను ఇప్పుడిప్పుడే నటిగా ఎదుగుతున్నాను. కాబట్టి పెళ్లి గురించి ఆలోచించడంలేదు. ఇంకా చెప్పాలంటే మా అమ్మానాన్నలది ప్రేమ వివాహమే. భవిష్యత్‌లో తనకు ఎవరిపైన అయినా ప్రేమపుడితే ఆ విషయాన్ని అమ్మానాన్నలకు ధైర్యంగా చెబుతాను. వారు అంగీకరిస్తేనే ప్రేమ వివాహం చేసుకుంటానని కీర్తి చెప్పుకొచ్చింది. 

జీవితంలో జరిగిన విధంగానే సినిమాల నిర్మాణం, దర్శకత్వ పగ్గాలు చేపడతారా? అనే ప్రశ్నకు కీర్తి సురేష్ స్పందించింది. తన తల్లి మేనక, బామ్మ సరోజ నటీమణులని గుర్తు చేస్తూ, సిస్టర్ పార్వతి సైతం సినిమా రంగంలోనే ఉందని, నాన్న నిర్మాతని చెప్పింది. తాను మాత్రం నిర్మాతగా మారబోనని, ఇక దర్శకత్వం చేసేందుకు అర్హత, ప్రతిభ తనకు ఉన్నాయని భావించడం లేదని స్పష్టం చేసింది.