అంధురాలి పాత్రలో ఇషా చావ్లా

Isachawla

తెలుగు ప్రేక్షకులకు బాగా తెలిసిన ఢిల్లీ బ్యూటీ ఇషా చావ్లా ప్రధాన పాత్రలో రూపొందుతున్న`అగోచ‌ర` చిత్రంలో ఒక భిన్నమైన పవర్ ఫుల్ పాత్రలో కనిపించనుంది. మర్డర్ మిస్టరీ గా తెరకెక్కుతున్న`అగోచ‌ర`లో ఇషా చావ్లా అంధురాలిగా విభిన్న షేడ్స్ తో చిత్రంలో ఒక బలమైన పాత్రలో నటిస్తోంది. ఈ చిత్రంతో ప్రముఖ సినిమాటోగ్రాఫర్ కబీర్ లాల్ తొలిసారి ద‌ర్శ‌క‌త్వం వహిస్తున్నారు. 

ఇషా చావ్లా మాట్లాడుతూ, " కబీర్ లాల్ గారు నాకు చాలా కాలంగా తెలుసు. తన దర్శకత్వంలో నటించడం చాలా సంతోషంగా ఉంది. స్క్రిప్ట్ విని చాలా ఎక్సైట్ అయ్యాను. ఇలాంటి పాత్ర కోసమే ఎన్నాళ్లుగానో ఎదురుచూస్తున్నాను. కబీర్ గారు ఈ స్టోరీ చెప్పగానే వెంటనే ఈ సినిమా చేస్తానని చెప్పేశాను. బ్లైండ్ క్యారక్టర్ చేయడం మానసికంగానే కాకుండా ఎమోషనల్ గా కూడా ఛాలెంజింగ్ గా ఉంటుంది. ఇందులో నాది మానసికంగా చాలా బలమైన పాత్ర. నా లైఫ్ లో ఒక బెస్ట్ ఎక్స్పీరియన్స్ ఈ చిత్రం." అన్నారు.

కమల్ కామరాజు ఆమెకు మద్దతు ఇచ్చే భర్త గా సైకాలజిస్ట్ పాత్ర పోషిస్తున్నారు. `అగోచ‌ర` ఒక లవ్ రివేంజ్ థ్రిల్లర్ గా రూపొందుతోంది. ఒక సంఘటన తో జీవితాలు ఎలా మారిపోయాయి అనే ఇతివృత్తం తో కథ ఉత్కంఠభరితంగా ఉంటుంది. ప్రస్తుతం డెహ్రాడూన్ లో అందమైన రిసార్ట్ లో చిత్రీకరణ జరుపుకుంటున్న `అగోచ‌ర`ను లవ్లీ వరల్డ్ ప్రొడక్షన్ నిర్మిస్తోంది. జూన్ లో విడుదలకు సన్నాహాలు చేస్తున్నారు.

ఇషా చావ్లా, క‌మ‌ల్ కామ‌రాజు ప్రధాన పాత్రల్లో నటించిన ఈ చిత్రంలో సునీల్ వ‌ర్మ‌, బ్రహ్మానందం, అజ‌య్ కుమార్ సింగ్ త‌దిత‌రులు ముఖ్య పాత్ర‌లు పోషిస్తున్నారు.