నందమూరి నటసింహం బాలకృష్ణ - బోయపాటి శ్రీను కాంబినేషన్లో సింహా, లెజెండ్ చిత్రాలు రూపొందడం.. ఆ రెండు చిత్రాలు బ్లాక్‌బస్టర్స్ అవ్వడం తెలిసిందే. దీంతో బాలయ్య - బోయపాటి కాంబినేషన్లో రానున్న తాజా చిత్రంపై భారీ అంచనాలు ఏర్పడ్డాయి. ఈ చిత్రాన్ని యువ నిర్మాత మిర్యాల రవీందర్ రెడ్డి నిర్మిస్తున్నారు.
రామోజీ ఫిలింసిటీలో ఈ సినిమా ప్రారంభమైంది. లాక్ డౌన్ వలన షూటింగ్‌కి బ్రేక్ పడింది. అయితే.. ఈ సినిమా ప్రకటన వచ్చినప్పటి నుంచి ఇందులో బాలయ్య క్యారెక్టర్ ఎలా ఉంటుంది అనేది ఆసక్తిగా మారింది.
అయితే.. ఇందులో బాలయ్య రెండు విభిన్న పాత్రల్లో కనిపించనున్నాడు. అందులో ఒకటి అఘోరా పాత్ర అంటూ వార్తలు వచ్చాయి. ప్రచారంలో ఉన్న ఈ వార్త నిజమేనా అని బోయపాటిని అడిగితే.. నిజమే అని చెప్పారు.
అఘోరా టైపు క్యారెక్టర్ ఒకటి ఉన్నమాట వాస్తవమే. దాన్ని ఎలా డిజైన్ చేశాం.., ఎలా ప్రేక్షకుల ముందుకు తీసుకొస్తున్నాం అనేది చాలా ఇంపార్టెంట్. సింహా, లెజెండ్ నుంచి కొంచెం బయటకొచ్చి కొత్తగా ఏదైనా చేయాలని అనుకున్నప్పుడు నాకు ఆ పాత్ర తట్టింది. కాకపోతే సెటప్ అంతా కొత్తగా ఉంటుంది. కొత్తదనం కావాలంటే ఈమాత్రం ట్రై చేయాల్సిందే అని బోయపాటి అన్నారు. మరి.. బాలయ్య అఘోరా గెటప్ ఎంతవరకు ఆకట్టుకుంటుందో చూడాలి.
