పడిపడి లేచె మనసు తర్వాత శర్వానంద్ నటిస్తోన్న సినిమా గురించి అప్‌డేట్స్ వచ్చేశాయి. టాలీవుడ్ నటుడు శర్వానంద్, కాజల్ కాంబినేషన్‌లో సుధీర్ వర్మ దర్శకత్వంలో ఈ సినిమా తెరకెక్కుతోంది. మార్చి ఆరో తేదీన శర్వానంద్ పుట్టిన రోజు కావడంతో తాజాగా ఈ చిత్రం నుంచి శర్వానంద్ కొత్త లుక్ ఒకటి బయటకు వచ్చింది. ఈ లుక్‌లో శర్వానంద్ గడ్డంతో స్టైలిష్‌గా వున్నాడు.
ప్రస్తుతం ఈ చిత్రం షూటింగ్ స్పెయిన్‌లో జరుగుతోంది. సితార ఎంటర్‌టైన్‌మెంట్స్ సంస్థ శర్వానంద్‌కు పుట్టినరోజు శుభాకాంక్షలు తెలియజేస్తూ ఈ లుక్‌ను విడుదల చేసింది. ప్రస్తుతం ఈ లుక్ నెట్టింట వైరల్ అవుతోంది. ఈ శర్వానంద్ 27వ చిత్రంగా వస్తున్న ఈ ప్రాజెక్టు మేలో విడుదల కానుంది.
ఇకపోతే.. విజయ్ సేతుపతి ,త్రిష జంటగా నటించిన ''96'' రీమేక్‌లో యంగ్ హీరో శర్వానంద్, సమంత జంటగా నటించనున్నారు. ఈ చిత్రాన్ని ప్రేమ్ కుమార్ తెరకెక్కించనున్నాడు. కాగా ఒరిజినల్ వెర్షన్‌కు కూడా ఆయనే దర్శకత్వం వహించాడు.
అలాగే ఈ చిత్రానికి 'జాను' అనే టైటిల్ ను ఖరారు చేశారని సమాచారం. మొదటి సారి శర్వా -సమంత జంటగా నటించనుండడం అలాగే దిల్ రాజు ఈచిత్రాన్ని నిర్మిస్తుండడంతో ఈ సినిమాపై భారీ అంచనాలున్నాయి.